Kievte jýrnalist Pavel Sheremet jarylystan qaza tapty
Sheremet jumys istegen «Ýkrainskaia pravda» basylymynyń habarlaýynsha, jýrnalist tańerteń kóligine otyryp, úiinen ondaǵan metrge alystai bergende avtokólik jarylǵan. Mashinanyń «Ýkrainskaia pravda» jetekshisi Alena Pritýlge tiesili ekeni belgili boldy. Alenanyń ózi bul kezde kólikte bolmaǵan.
Pavel Sheremet – belarýstik, reseilik jáne ýkrainalyq belgili jýrnalist. Ol 44 jasta edi. Jýrnalistiń tájiribesin ol belarýstik televideniede bastady. 1998-2008 jyldary Sheremet reseilik televidenieniń «Birinshi arnasynda» arnaiy tilshi, «Vremia» baǵdarlamasynyń júrgizýshisi jáne derekti filmderdiń avtory boldy. Sońǵy birneshe jylda ol Kievte turyp, «Ýkrainskaia pravda» basylymynda istedi, «Vesti» radiosynda júrgizýshi boldy.
Pavel Sheremet Azattyq radiosynyń efirine jii shyǵatyn - Ýkrainadaǵy jáne Reseidegi saiasi protsesterge pikir bildiretin. Sheremet ýkrainalyq Maidandy jaqtap, reseili bilikti synǵa aldy. Sońǵy márte ol 9 naýryzda «Litsom k sobytiiý» baǵdarlamasyna qatysqan eken. Buǵan deiin Sheremet Qyrym, Donbass jáne Ýkrainadaǵy reformalar, daǵdarys týraly pikirlerimen bólisken edi.
«QmD» aqparat
