سەنات سپيكەرى ماۋلەن اشىمبايەۆ بيىل كۇزدە كەزەكتەن تىس پارلامەنت سايلاۋى وتەدى دەگەن قاۋەسەتتەردى جوققا شىعاردى، دەپ حابارلايدى Dalanews.kz.
“بىزدە كۇن تارتىبىندە اۋقىمدى زاڭنامالىق جۇمىس تۇر. كەزەكتەن تىس سايلاۋ وتەدى دەۋگە نەگىز جوق”، – دەدى ماۋلەن اشىمبايەۆ.
ايتا كەتەيىك، بۇعان دەيىن قازاقستان پرەمەر-مينيسترىنىڭ ءبىرىنشى ورىنباسارى رومان سكليار كۇزدە كەزەكتەن تىس پارلامەنت سايلاۋى وتەدى دەگەن اقپاراتقا تۇسىنىكتەمە بەرگەن ەدى.
جۋرناليستەر رومان سكلياردان بۇل قاۋەسەتتىڭ راس-وتىرىگىن ناقتىلاپ سۇرادى.
“بۇل تۋرالى مەن دە بۇقارالىق اقپارات قۇرالدارىنان وقىدىم. ءبىراق مۇنداي بولجامدارعا ەشقانداي نەگىز جوق. پارلامەنت تۇراقتى جۇمىس ىستەپ جاتىر، ءوزىنىڭ تيىمدىلىگىن كورسەتە ءبىلدى. ءوز باسىم كەزەكتەن تىس سايلاۋ وتكىزۋگە سەبەپ كورىپ تۇرعان جوقپىن”، – دەدى پرەمەر-مينيستردىڭ ءبىرىنشى ورىنباسارى.
