– مەنىڭ ومىرىمدە ەكى قىزىعۋشىلىعىم بار – ول مەنىڭ بيزنەسىم جانە باسكەتبول. بيزنەس تە باسكەتبول سياقتى، وندا لاقتىرۋدىڭ دۇرىس ءساتىن تابا ءبىلۋ جانە كوماندادا ويناۋ ماڭىزدى. ستۋدەنت كەزىمنەن باستاپ ءوز ءومىرىمدى بيزنەسپەن بايلانىستىراتىنىما سەندى بولدىم. مەن ءوزىمدى بيزنەس سالاسىندا ىسكە اسىرا وتىرىپ، ەرەكشە ماسەلەلەردى شەشۋگە ۇيرەنىپ قانا قويماي، قوسىمشا تابىس تابۋعا مۇمكىندىك الدىم.
تۇرعىن ءۇيدى جالعا بەرۋ – بۇل مەنىڭ بيزنەستەگى العاشقى ارەكەتىم ەمەس، باسقالارى دا بولدى، ءبىراق وسى ءىسىم مەنىڭ جانىما جاقىن. كەز كەلگەن كاسىپكەر سىندى، مەن العا ۇمتىلامىن. وسى شاعىن بيزنەسىمدى كەڭەيتۋ مۇمكىندىگى پايدا بولعان كەزدە، ويلانباستام نەسيە الدىم. ەكى پاتەر ساتىپ الىپ، وندا جوندەۋ جۇمىستارىن جۇرگىزدىم. وسىلاي ءوز جۇمىسىمدى ءارى قاراي دامىتۋدا ماعان قولداۋ بەرگەن «بيزنەستىڭ جول كارتاسى – 2025» باعدارلاماسىنا العىسىمدى ايتامىن. مەن ءوزىمنىڭ وسىنداي شاعىن بيزنەسىممەن ماقتانامىن، – دەپ تۇيىندەدى زۋلفيا.
