قىرعىزستاندا بلوگەر اكتيلەك وروزبەكوۆ پەن Kulikov كونديتەرلٸك جەلٸسٸ اراسىنداعى تٸلگە قاتىستى داۋ تاراپتاردىڭ تاتۋلاسۋىمەن اياقتالدى, دەپ حابارلايدى Dalanews.kz.
بۇل مەسەلە جەلٸگە قاراستى مەكەمەلەردٸڭ بٸرٸندە بولعان وقيعادان كەيٸن باستالعان. ەلەۋمەتتٸك جەلٸلەردە "تٸلدٸك پاترۋل" اتانىپ كەتكەن وروزبەكوۆ مەملەكەتتٸك تٸلدە قىزمەت كٶرسەتۋدٸ تالاپ ەتكەن.
كومپانييا ٶكٸلدەرٸنٸڭ ايتۋىنشا, بۇعان دەيٸن بەلسەندٸگە قاتىستى بەرٸلگەن ارىز كەرٸ قايتارىلعان. "كۋليكوۆ" كونديتەرلٸك ٷيٸنٸڭ رەسمي ٶكٸلٸ جانجال كەلٸسسٶزدەر نەتيجەسٸندە رەتتەلگەنٸن, تاراپتار ٶزارا تٷسٸنٸستٸككە كەلگەنٸن اتاپ ٶتتٸ.
اكتيلەك وروزبەكوۆ تە مۇنى راستاعان. ونىڭ سٶزٸنشە, كومپانيياعا دا, ونىڭ قىزمەتكەرلەرٸنە دە ەشقانداي شاعىمى جوق. بەلسەندٸنٸڭ ايتۋىنشا, بۇعان دەيٸنگٸ جاعداي ٶزارا تٷسٸنبەۋشٸلٸكتەن تۋىنداعان.
سونىمەن قاتار, وروزبەكوۆ ٶزٸنٸڭ قىزمەتٸ قىرعىز تٸلٸن دامىتۋ مەن ناسيحاتتاۋعا باعىتتالعانىن, قانداي دا بٸر قاقتىعىس تۋعىزۋدى ماقسات ەتپەگەنٸن جەتكٸزدٸ. ول الداعى ۋاقىتتا مۇنداي مەسەلەلەر ديالوگ ارقىلى, ٶزارا قۇرمەت اياسىندا شەشٸلەدٸ دەگەن ٷمٸت بٸلدٸردٸ.
