بەن ۋوللەس بۇل جايىنداعى ويىن يساپنييا استاناسى مادريد قالاسىنا بارعان جۇمىس ساپارىندا مەلٸمدەدٸ.
– كرەملدٸڭ استىق ەكسپورتىن العا تارتىپ, بٸزدٸ بوپسالاۋىنا جول بەرمەيمٸز! ەگەر رەسەي ۋكراينا استىعىنا مۇقتاج ەلدەردٸڭ قامىن شىنمەن دە ويلاسا, استىق ەكسپورتىن ۇيىمداستىرۋ ٷشٸن گۋمانيتارلىق دەلٸز اشۋىنا بولادى. بۇل جەردە سانكتسييانى ارالاستىرۋدىڭ قاجەتٸ جوق, – دەپ بەن ۋوللەس كەسٸپ ايتتى.
بۇعان دەيٸن رەسەي سىرتقى ٸستەر مينيسترٸنٸڭ ورىنباسارى اندرەي رۋدەنكو باتىس ەلدەرٸ رەسەيگە سالىنعان سانكتسييالاردى الىپ تاستاسا, كەمەلەردٸڭ استىق تەرمينالدارىنا كەلٸپ, ازىق-تٷلٸك تاسىمالىن قايتا جاڭعىرتۋىنا كەدەرگٸ كەلتٸرمەيتٸنٸن ايتقان ەدٸ.
بٷگٸندە سانكتسييا كرەملدٸڭ ەكسپورتى مەن قارجى سالاسىنا اۋىر سوقى بولىپ تيٸپ وتىر. سوندىقتان ولار سانكتسييادان شىعۋدىڭ امالىن قاراستىرا باستاعانداي...
– ٷش اي بويى كرەملدٸڭ پروپاگنديستتەرٸ سانكتسييا رەسەي ەكونوميكاسى ٷشٸن تاپتىرماس مٷمكٸندٸك ەكەنٸن ايتىپ, سايراپ كەلٸپ ەدٸ. ال ەندٸ رەسەيدٸڭ سىرتقى ٸستەر مينيسترٸنٸڭ ورىنباسارى ۋكراينانىڭ پورتتارىنا قاراي جول اشۋعا دايىن ەكەنٸن ايتا باستادى. دەمەك باتىستىڭ سالعان سانكتسييالارى رەسەيدٸڭ جاندى جەرٸنە تيە باستادى. پۋتين بيلٸگٸ سانكتسييانى الادى دەپ دەمەلەنبەي-اق قويسىن. الداعى ۋاقىتتا سانكتسييا رەسەي ەكونوميكاسىن بۋىندىرا بەرەتٸن بولادى, – دەدٸ ۋكراينا پرەزيدەتٸنٸڭ كەڭەسشٸسٸ ميحايل پودولياك.
