رەسەي مەن قازاقستاننىڭ بٸلٸم جەنە عىلىم سالاسىنداعى ىنتىماقتاستىعى بارعان سايىن الاڭداۋشىلىق تۋعىزۋدا, - دەپ حابارلايدى Dalanews.kz Fragment ارناسىنا سٸلتەپ.
ومبىدا ەل-فارابي اتىنداعى قازۇۋ-دىڭ فيليالىنىڭ اشىلعانى Fragment-تٸڭ كٶڭٸلٸندە كٷمەن تۋعىزعان.
"بۇل وقيعا اكادەمييالىق بايلانىستاردىڭ كەڭەيۋٸن عانا ەمەس, سونىمەن قاتار رەسەيدٸڭ قازاقستانداعى ىقپالىنىڭ ارتىپ كەلە جاتقانىن اڭعارتادى. قازۇۋ قازاقستانداعى ەڭ كٶنە ەرٸ ابىرويلى وقۋ ورنى. مۇندا 25 مىڭ ستۋدەنت بٸلٸم الادى. وسىنداي بەدەلدٸ ۋنيۆەردٸڭ ورىس جەرٸندە فيليال اشۋى وڭ قادام سيياقتى كٶرٸنۋٸ مٷمكٸن. الايدا قازٸرگٸ گەوساياسي جاعدايدى ەسكەرە وتىرىپ, بۇل وقيعانى مٷلدە باسقا قىرىنان قاراستىرۋ قاجەت. كرەمل, پوستكەڭەستٸك كەڭٸستٸكتە ٶز ىقپالىن كەڭەيتۋگە دەگەن ۇمتىلىسىن بٸر سەتكە دە دامىلداتقان جوق.
بٸلٸم جەنە عىلىم سالاسىندا تەجٸريبە الماسۋ ەنشەيٸن سىلتاۋ: رەسەيدٸڭ قازاقستانداعى ىقپالىن نىعىزداي تٷسۋدٸڭ امالى. مۇنى قازاقستانداعى ماڭىزدى سفەرالاردى "وتارلاۋ" دەيتٸن اۋقىمدى ستراتەگييانىڭ بٸر بٶلٸگٸ رەتٸندە قاراستىرۋ قاجەت", - دەپ جازدى ارنا.
Fragment-كە جەتكەن مەلٸمەت بويىنشا "پۋتيننٸڭ رەسەيٸ" ورتا ازيياداعى ىقپالىن جوعالتپاۋ ٷشٸن soft power ساياساتىن بەلسەندٸ پايدالانا باستاعان. بٸلٸم مەن عىلىم سالاسى وسى ساياساتتىڭ نەگٸزگٸ "رىچاگىنىڭ" بٸرٸ.
"الداعى وقۋ جىلىنان باستاپ رەسەيلٸك پروپاگاندا قۇرالدارى "ەكٸ ەل اراسىناداعى اكامەدييالىق الىس-بەرٸستەن قازاقستاننىڭ ۇتارى كٶپ" دەگەن اگيتاتسييانى ٷدەتە باستايدى.
ٸس جٷزٸندە بۇل قازاقستاننىڭ رەسەيدٸڭ بٸلٸم جەنە عىلىم باعدارلاماسىنا بٸرتٸندەپ تەۋەلدٸ بولۋىنا الىپ كەلەدٸ", - دەپ پايىمدايدى Fragment.
قازاق ۇلتتىق ۋنيۆەرسيتەتٸنٸڭ رەسەيلٸك سەرٸكتەسٸ – دوستوەۆسكيي اتىنداعى ومبى ۋنيۆەرسيتەتٸ دە سٶزسٸز بەدەلدٸ وقۋ ورنى.
"الايدا مۇنداي ىنتىماقتاستىقتىڭ قازٸرگٸ ساياسي شىندىق كونتەكستٸندە نەنٸ بٸلدٸرەتٸنٸ تۋرالى ويلانۋ كەرەك. رەسەي ەلٸمٸزدٸڭ ەكونوميكادان باستاپ بٸلٸم بەرۋگە دەيٸنگٸ ستراتەگييالىق ماڭىزدى سالالارىنا دەندەپ ەنٸپ جاتىر. كرەمل بٸزدٸڭ ەلمەن بٸلٸم الماسۋعا مۇقتاج ەمەس, مەسكەۋ قازاقستاندىق ٶسكەلەڭ ۇرپاقتىڭ جٷرەگٸ مەن ساناسى ٷشٸن كٷرەس جٷرگٸزۋدە. قازاقستاندىق ۋنيۆەرسيتەتتەر مەن عىلىمي ينستيتۋتتار گەوساياسي قۇرالعا اينالماي, تەۋەلسٸز وي مەن يننوۆاتسييانىڭ تٸرەگٸ بولىپ قالۋى كەرەك. پۋتيننٸڭ پارانوياسى اسقىنعان شاقتا قازاقستان بارلىق سالادا ٶز تەۋەلسٸزدٸگٸ مەن ەگەمەندٸگٸن قورعاۋعا تيٸس. رەسەيدٸڭ ارباۋىنا تٷسپەۋدٸڭ جالعىز جولى وسى", - دەپ جازدى ارنا.
