مەجٸلٸس دەپۋتاتى نۇرتاي سابيليانوۆ "ۋەدە" باعدارلاماسىندا شىعىس قازاقستان جەنە اباي وبلىستارىنداعى شەنەۋنٸكتەردٸڭ تويىمسىزدىعىن سىنادى, - دەپ حابارلايدى Dalanews.kz.
دەپۋتات كەزٸندە بٸر وبلىس ەكٸگە بٶلٸنگەندە, بٸرنەشە ماڭىزدى نىساننىڭ جۇمىسى بٸتپەي قالعانىن جەتكٸزدٸ.
"شىعىس قازاقستان وبلىسىنان اباي وبلىسى بٶلٸنگەن كەزدە كٶپتەگەن بٸتپەي قالعان وبەكتٸلەر اباي وبلىسىندا قالىپ قالدى. قاراجات يگەرٸلٸپ كەتتٸ. ول وبەكتٸلەر - ەلدٸ مەكەندەردٸ اۋىزسۋمەن قامتاماسىز ەتۋ جوبالارى, مەكتەپتەر سالۋ, جولداردى سالۋ, ەلٸ كٷنگە دەيٸن بٸتپەي جاتقاندارى بار. ٷرجار اۋدانى بويىنشا 7 اۋىلدىڭ سۋى ەلٸ بٸتكەن جوق. 4-5 جىل بولدى, قارجىلاندىرىلىپ كەلە جاتىر", - دەيدٸ ول.
سونىمەن قاتار, سابيليانوۆ "بۇل ٸستە ٶڭٸردٸ تالاي جىل باسقارعان دانيال احمەتوۆتٸ جاۋاپكەرشٸلٸككە تارتۋ كەرەك پە?" دەگەن ساۋالعا جاۋاپ بەردٸ.
"اۋدان ەكٸمٸ مەن وبلىس ەكٸمٸ جاۋاپكەرشٸلٸككە تارتىلۋى كەرەك. سول كەزدە اۋدان ەكٸمٸ كٸم بولدى? وبلىس ەكٸمٸ, مىسالى, احمەتوۆ بولدى.
كەزٸندە اياگٶز اۋدانىنا 2 جارىم ميلليارد اقشا بٶلٸنگەن كەزدە جەمقورلىققا قارسى اگەنتتٸككە ساۋال جٸبەرٸپ, باسقا دا قۇقىق قورعاۋ ورگاندارىنا ساۋال جٸبەرٸپ, تەكسەرتٸپ, وعان قىلمىستىق ٸس قوزعالىپ, اقشا ۇرلانعانى, تيٸمسٸز جۇمسالعانى - بەرٸ انىقتالعان بولاتىن. اينالىپ كەلگەندە ەكٸم ەمەس, سول ەكٸمدٸكتە ٸستەيتٸن تۇرعىن ٷي كوممۋنالدىق شارۋاشىلىعىنىڭ باسشىسى عانا ٷش جىلعا باس بوستاندىعىنان ايىرىلدى. ول دۇرىس ەمەس. مەملەكەتتٸڭ قاراجاتى دا جوق, سول قاراجاتقا سالىنعان وبەكتٸ دە جوق. وندا اياگٶز قالاسىنىڭ سۋى, كەرٸز جٷيەسٸ بولعان. ودان كەيٸن قوپا, اي دەگەن اۋىلدارعا سۋعا اقشا بٶلٸنگەن. سول جۇمىس ەلٸ اياقتالعان جوق. ٶيتكەنٸ قىلمىستىق ٸس كەيٸن بٸتتٸ. قايتا جوبالىق قۇجات جاسالدى, ەندٸ قايتا قارجىلاندىرۋعا 2024 جىلعا اقشا بٶلدٸك", - دەيدٸ سابيليانوۆ.
دەپۋتات ٶڭٸردەگٸ شەنەۋنٸكتەردٸڭ تويىمسىزدىعىنا شٷيلٸكتٸ.
"كٶزدەرٸنە شەل بٸتكەن, تويمايدى, الا بەرسەم دەپ ويلايدى. شىعىس قازاقستاننىڭ ازاماتتارى كٸمنٸڭ نە الاتىنىن, قاي جەردە قانداي ەكٸم قانداي جوبادان مٷددەسٸ بار ەكەنٸن بٸلەدٸ. ونى ايتىپ تا, ۇسىنىپ تا جاتىر. اينالىپ كەلگەندە سىبايلىس جەمقورلىق, بٸر-بٸرٸمەن بايلانىس, قۇقىق قورعاۋ ورگاندارى دا ولاردى قورعاپ شىعا كەلەدٸ", - دەدٸ ول.
ايتا كەتەيٸك, بۇعان دەيٸن احمەتوۆ "قازاقستان رەسپۋبليكاسى جەڭٸل اتلەتيكا فەدەراتسيياسى" رقۇ پرەزيدەنتٸ بولىپ تاعايىندالدى.
ول جۋىردا عانا استانادا جەڭٸل اتلەتيكادان ەمين تۇياقوۆ جٷلدەسٸنە ارنالعان Astana Indoor Meet حالىقارالىق تۋرنيرٸ اياسىندا كٶزگە تٷسٸپ قالعان ەدٸ. دەرەكتەرگە سٷيەنسەك, ەكس-شەنەۋنٸك جەڭٸل اتلەتيكا فەدەراتسيياسىنىڭ پرەزيدەنتٸ رەتٸندە بارعان. شىعىس قازاقستاندى تاپجىلماي 9 جىل باسقارعان ەكس-ەكٸم وسىلاي سپورتتى تٸزگٸندەۋگە ويىسىپتى.
