كوزاچكوۆتى قاماۋ مەرزٸمٸ 18 ناۋرىزعا دەيٸن ۇزارتىلدى
"30 قاڭتاردا سوتقا دەيٸنگٸ تەرگەۋ ورگانىنىڭ ٶتٸنٸشٸ قاناعاتتاندىرىدىپ, كوزاچكوۆتىڭ قاماۋداعى مەرزٸمٸ ٷش ايعا – 2023 جىلدىڭ 18 ناۋرىزىنا دەيٸن ۇزارتىلدى", - دەپ جازىلعان سوتتىڭ باسپاسٶز قىزمەتٸ تاراتقان مەلٸمدەمەدە.
18 جەلتوقساندا قارجى مونيتورينگ اگەنتتٸگٸ جۋرناليست, Kozachkov offside تەلەگرام-ارناسىنىڭ اۆتورى ميحايل كوزاچكوۆتىڭ ۇستالعانىن حابارلاعان. ول "بولات نازارباەۆتىڭ كٶمەكشٸسٸ" دەپ اتالعان ەلدوس قوسپاەۆتىڭ قىلمىستىق توبىنا رەيدەرلٸك جاساۋعا كٶمەكتەستٸ دەگەن كٷدٸككە ٸلٸنگەن. اگەنتتٸك ٶكٸلدەرٸنٸڭ ايتۋىنشا, قوسپاەۆ "رەيدەرلٸك قۇرباندارىنا اقپاراتتىق شابۋىل جاساۋ ٷشٸن كوزاچكوۆتىڭ قىزمەتٸنە جٷگٸنگەن". كوزاچكوۆ سول ٷشٸن "قىلمىستىق توپ مٷشەلەرٸنەن" 52 ملن تەڭگە (112 مىڭ دوللار) سىياقى العان دەپ ايتىلادى. جۋرناليستٸڭ ەرٸپتەستەرٸ كوزاچكوۆتى كەسٸبي قىزمەتٸ ٷشٸن قۋدالاپ وتىر دەپ مەلٸمدەدٸ.
19 جەلتوقساندا كەشكە جۋرناليست ۆاديم بورەيكو Facebook پاراقشاسىندا ەرٸپتەسٸ كوزاچكوۆتىڭ مەلٸمدەمەسٸن جارييالادى. وندا مەلٸمدەمە اۆتورى ٶزٸنٸڭ ۇستالۋىن "قارجى مونيتورينگ اگەنتتٸگٸنٸڭ جەتەكشٸسٸ جانات ەليمانوۆتىڭ جەكە ماقساتتا كەك العىسى كەلگەندٸگٸمەن" بايلانىستىرعان. مەلٸمدەمە اۆتورىنىڭ ايتۋىنشا, ول ەليمانوۆتىڭ "ەيەلٸ تۋرالى ماقالا جازعاندىقتان" اگەنتتٸكتٸڭ ٶزٸن تٷرمەگە "جاپقىسى كەلەتٸنٸ" جٶنٸندە بٸرنەشە رەت حابار العان.
قارجى مونيتورينگ اگەنتتٸگٸنٸڭ جەتەكشٸسٸ جانات ەليمانوۆ جۋرناليست اتىنان تاراتىلعان مەلٸمدەمەگە رەاكتسييا بٸلدٸرمەدٸ.
20 جەلتوقساندا باس پروكۋراتۋرا جۋرناليست ميحايل كوزاچكوۆتىڭ ٸسٸ "پروكۋراتۋرا ورگاندارىنىڭ باقىلاۋىندا بولادى" دەپ ايتقان.
كوزاچكوۆتىڭ ۇستالعان سوڭ ەلدە ونداعان باسىلىم مەن مەديا ۇيىمدار قازاقستان پرەزيدەنتٸ قاسىم-جومارت توقاەۆقا قايىرىلىپ, جۋرناليستٸ بوساتۋعا شاقىرعان ەدٸ.
ال قازاقستان جۋرناليستەر وداعى "ورگانداردى ەل زاڭىن ساقتاۋعا", "كوزاچكوۆتىڭ ٸسٸن جان-جاقتى, وبەكتيۆتٸ تٷردە قاراۋعا" شاقىرعان. "ەدٸل سٶز" جۋرناليستەر قۇقىعىن قورعاۋ قورى "كوزاچكوۆتىڭ كۇقىعى ٶرەسكەل بۇزىلعانىن" مەلٸمدەپ, ونى بوساتۋدى سۇرادى.
نيۋ-يوركتە ورنالاسقان جۋرناليستەردٸ قورعاۋ كوميتەتٸ (CPJ) قازاقستاندا كوررۋپتسييالىق ٸستەر جايدى جازىپ جٷرگەن جۋرناليستٸڭ ۇستالعانىنا الاڭداۋشىلىق بٸلدٸردٸ.
قازاقستان پرەزيدەنتٸنٸڭ باسپاسٶز حاتشىسى رۋسلان جەلدٸباي "بۇل ٸس ٸس قازاقستان زاڭىنا سەيكەس تەڭ قۇقىقتار شەڭبەرٸندە قارالۋعا تيٸس" دەپ جازدى.
