– ونىڭ ەكەۋى قاراعاندى قالاسىندا – 1972 جانە 1971 جىلعى تۋعان قازاقستان ازاماتتارى. ەكەۋى دە №0324 مينسك-قاراعاندى رەيسىمەن ۇشىپ كەلگەن بولاتىن، – دەدى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ارنايى بريفينگىدە.
ونىڭ ايتۋىنشا الماتى قالاسىندا تاعى ءۇش ادام اتالمىش ينفەكسيانى جۇقتىرعان. بىرەۋى 1979 جىلعى ايەل ادام، بەرلين قالاسىنان ۇشىپ كەلگەن. ەكىنشى ازامات 1997 جىلعى ەر ادام، فرانسيادان ۇشىپ كەلگەن. سوڭعىسى 1982 جىلعى ايەل ادام.
– وسى ساعاتتا (20 ناۋرىز، 08:30-دا) الماتىدا – 22 ادام، قاراعاندى قالاسىندا – 2 ادام، نۇر-سۇلتاندا – 25 ادام. رەسپۋبليكا اۋماعىندا بارلىعى 49 ناۋقاس تىركەلىپ وتىر. ولاردىڭ اراسىندا قايتىس بولعاندار جوق، – دەدى دياس احمەتشارىپ.
ونىڭ ايتۋىنشا، ناۋقاستاردىڭ بارلىعىنىڭ جاعدايى جاقسى. ەسكە سالا كەتسەك، بۇعان دەيىن قاراعاندىدا كوروناۆيرۋس جۇقتىرعان 2 ادامنىڭ مينسك قالاسىنان ۇشىپ كەلگەنىن حابارلاعان ەدىك.
