– Onyń ekeýi Qaraǵandy qalasynda – 1972 jáne 1971 jylǵy týǵan Qazaqstan azamattary. Ekeýi de №0324 Mınsk-Qaraǵandy reısimen ushyp kelgen bolatyn, – dedi Densaýlyq saqtaý mınıstrliginiń resmı ókili Dıas Ahmetshárip arnaıy brıfıńide.
Onyń aıtýynsha Almaty qalasynda taǵy úsh adam atalmysh ınfeksıany juqtyrǵan. Bireýi 1979 jylǵy áıel adam, Berlın qalasynan ushyp kelgen. Ekinshi azamat 1997 jylǵy er adam, Fransıadan ushyp kelgen. Sońǵysy 1982 jylǵy áıel adam.
– Osy saǵatta (20 naýryz, 08:30-da) Almatyda – 22 adam, Qaraǵandy qalasynda – 2 adam, Nur-Sultanda – 25 adam. Respýblıka aýmaǵynda barlyǵy 49 naýqas tirkelip otyr. Olardyń arasynda qaıtys bolǵandar joq, – dedi Dıas Ahmetshárip.
Onyń aıtýynsha, naýqastardyń barlyǵynyń jaǵdaıy jaqsy. Eske sala ketsek, buǵan deıin Qaraǵandyda koronavırýs juqtyrǵan 2 adamnyń Mınsk qalasynan ushyp kelgenin habarlaǵan edik.
