وڭتۇستىك كورەياداعى ۇشاق اپاتىنان قازا تاپقاندار سانى ءوستى، - دەپ حابارلايدى Dalanews.kz.
وڭتۇستىك كورەياداعى مۋان اۋەجايىندا Jeju Air جولاۋشىلار ۇشاعى اپاتقا ۇشىرادى. كەيىنگى دەرەك بويىنشا قازا تاپقاندار سانى 122 ادامعا دەيىن ءوستى.
ۇشاق اپاتىنان قۇربان بولعاندار سانى كۇرت ءوسۋى مۇمكىن. ازىرگە ەكى ادام قۇتقارىلعانى حابارلاندى: ءبىر ەكيپاج مۇشەسى جانە ءبىر جولاۋشى.
قۇتقارىلعان ەكى ادامنان باسقالارى قازا تاپقان بولۋى مۇمكىن.
ايتا كەتەيىك، Jeju Air اۋەكومپانياسىنىڭ ۇشاعى ۇشۋ-قونۋ جولاعىندا ۇشپاي، مۋان حالىقارالىق اۋەجايىنا قونعان كەزدە قورشاۋعا سوعىلعان. اۋە اپاتى تاڭعى 9:07-دە (استانا ۋاقىتى بويىنشا 5:07) بولدى.
بانگكوكتان ورالعان Jeju Air اۋەكومپانياسىنىڭ بورتىندا بارلىعى 181 ادام بولدى، ونىڭ ىشىندە التى ەكيپاج مۇشەسى بار. جولاۋشىلاردىڭ كوپشىلىگى كورەيا ازاماتتارى بولدى. تايلاندتىڭ ەكى ازاماتى بار.
