جەلتوقساننىڭ 1-ٸ قازاقستان رەسپۋبليكاسىنىڭ تۇڭعىش پرەزيدەنت كٷنٸندە سەمەيلٸكتەر «اقشىڭ» تۇرعىن ٷي كەشەنٸنٸڭ اشىلۋ سالتاناتىنا كۋە بولدى. ٷستٸمٸزدەگٸ جىلدىڭ ناۋرىز ايىندا تسەمەنتشٸلەر كەنتٸنەن بوي كٶتەرگەن 9 قاباتتى 128 پەتەرلٸ تۇرعىن ٷيدٸ وبلىستاعى العاشقى بٸرەگەي نىسان دەپ ايتۋعا ەبدەن بولادى. ٶيتكەنٸ, اق كٸرپٸشتەن قالانعان اقشاڭقان ٷيدٸڭ الدىندا فۋتبول الاڭى, تۇرعىنداردىڭ كٶلٸكتەرٸن قوياتىن اۆتوپاركينگ, بالالاردىڭ ويىن الاڭى جەنە وتىرىپ دەم الاتىن الاڭقايلار تولىعىمەن قامتىلعان. ال تۇرعىن ٷيدەگٸ بٸر بٶلمەلٸ پەتەردٸڭ جالپى اۋماعى 45 شارشى مەتر بولسا, ەكٸ بٶلمەلٸ پەتەر 70 شارشى مەتر جەنە ٷش بٶلمەلٸ پەتەردٸڭ جالپى اۋماعى 98 شارشى مەتردٸ قۇرايدى.
مۇنداي اۋقىمدى ٸستٸڭ جٷزەگە اسۋىنا ۇيىتقى بولعان شقو مەسليحاتىنىڭ دەپۋتاتى, «اقشىڭ» كورپوراتسيياسىنىڭ پرەزيدەنتٸ مارات قۇرمانبايدىڭ ايتۋىنشا, باسپانالاردىڭ بارلىعى دا تالاپقا ساي, پەتەرگە قونىستانۋشىلارعا جايلى بولۋى جان-جاقتى ەسكەرٸلگەن. قۇرىلىس بارىسىندا ەڭ بٸرٸنشٸ كەزەكتە باسپانانىڭ ساپالى سالىنۋىنا باسا مەن بەرٸلگەن.
تۇرعىن ٷي كەشەنٸنٸڭ اشىلۋىنا وراي ارنايى سٶز العان قازاقستان كەسٸپكەرلەر پالاتاسى تٶراعاسىنىڭ ورىنباسارى, قازاقستان ساۋدا كەسٸپورىندارى قاۋىمداستىعىنىڭ ۆيتسە-پرەزيدەنتٸ جٸبەك ەجٸباەۆا بيزنەستٸڭ ەلەۋمەتتٸك جاۋاپكەرشٸلٸگٸن جەتە سەزٸنٸپ, ٷنەمٸ حالىققا قاجەتتٸ شارۋالاردى اتقارىپ جٷرەتٸن ەرٸپتەسٸ مارات سەرٸكجانۇلىنىڭ ەڭبەگٸن بيزنەسمەن ازاماتتار دا جوعارى باعالايتىندىعىن اتاپ ٶتتٸ. ياعني, ٸسكەرلٸك قىرىمەن تانىلىپ جٷرگەن كەسٸپكەردٸڭ حالىققا قولايلى باسپانا سالۋداعى باستاماسى ٶتە قۇپتارلىق, ٶزگەلەرگە ٷلگٸ بولارلىق ٸس.
– مارات سەرٸكجانۇلىمەن ەلٸمٸزدە بيزنەس قانات جايا باستاعان كەزدەن بٸرگە جۇمىس ٸستەپ كەلەمٸز, - دەدٸ جٸبەك تٶرەحانقىزى.- ول ەلٸمٸزدە جابىق بازارلار سالۋ باستاماسىن العاش بولىپ قولدانىسقا ەنگٸزٸپ, سونىمەن قاتار بازارلاردى زامان تالابىنا ساي ساۋدا ورتالىقتارىنا اينالدىرۋدا تاعى دا بٸرٸنشٸ بولىپ ٶزٸن كٶرسەتە بٸلدٸ. ونىڭ وتاندىق بيزنەستٸڭ ٸلگەرٸ باسۋى جولىندا ٷلگٸ ەتەتٸن كٶپتەگەن ٸستەرٸن كٶرٸپ جٷرمٸز. ال بٷگٸن مٸنە, ٶز قاراجاتىنا تۇرعىن ٷي سالىپ, تاعى دا بٸر ٷلكەن ٸسٸمەن تەنتٸ ەتٸپ وتىر. سوندىقتان دا بٸز ماراتتاي ازاماتتى ماقتان تۇتامىز.
راسىندا دا بٸرٸنشٸ كەزەكتە تەۋكەلدٸلٸك قاسيەتٸن تانىتاتىن وسىنداي تۇرعىن ٷي كەشەنٸن سالۋعا باتىل كٸرٸسكەن بيزنەسمەن ٸلۋ دە بٸرەۋ. «جاقسىنىڭ جاقسىلىعىن ايت نۇرى تاسىسىن» دەگەندەي, جينالعان قاۋىم تاپ وسى سەتتە تاعى بٸر قۋانىشتىڭ كۋەسٸ بولدى.
كٶپ جىلدار بويى جاتاقحانانىڭ تار بٶلمەسٸندە تۇرىپ كەلگەن التى بالاسى بار انا مەيرامگٷل ەبدۋەليەۆاعا مارات قۇرمانباي ٶز قولىمەن 2 بٶلمەلٸ پەتەر كٸلتٸن سىيعا تارتتى. سٶز جوق, باسپانا جايى تالاي جىلدان بەرگٸ باستى مەسەلەسٸنە اينالعان انا ٷشٸن دەل وسى تەۋلٸك «اق تٷيەنٸڭ قارنى جارىلعان كٷن» بولدى. پەتەر الۋ جايىمەن وبلىس ەكٸمٸ دانيال احمەتوۆتىڭ قابىلداۋىندا بولعان ول ٶتٸنٸشٸنٸڭ ورىندالعانىنا شەكسٸز قۋانىشتى.
– مەن وسى تۇڭعىش پرەزيدەنت كٷنٸندە ەلٸمٸزدە تىنىشتىقتى ساقتاپ كەلە جاتقان ەلباسىمىز نۇرسۇلتان نازارباەۆقا, پەتەر مەسەلەسٸمەن بارعانىمدا قابىلداعان وبلىس ەكٸمٸ دانيال احمەتوۆكە, سەمەي قالاسى ەكٸمدٸگٸنە جەنە ٶزٸنٸڭ باستاماسىمەن سالىنعان «اقشىڭ» تۇرعىن ٷي كەشەنٸنەن پەتەر كٸلتٸن سىيلاعان مارات سەرٸكجانۇلىنا شەكسٸز العىسىمدى بٸلدٸرگٸم كەلەدٸ. وبلىستىق مەسليحات دەپۋتاتى مارات قۇرمانبايدىڭ بۇعان دەيٸن دە ماعان جاساعان جاقسىلىق, كٶمەكتەرٸ كٶپ. ال بٷگٸن مٸنە باسپانا الىپ تۇرمىن. تەك قانا وسىنداي جاقسىلىقتارعا جەتە بەرەيٸك, - دەدٸ ريزالىعى شەكسٸز كٶپ بالالى انا.
سەمەي قالاسى ەكٸمٸنٸڭ ورىنباسارى قايرات ەرەمبەسوۆ قالا تۇرعىندارىن قالالىق ەكٸمدٸك اتىنان مەرەكەمەن قۇتتىقتاي كەلٸپ, «اقشىڭ» تۇرعىن ٷي كەشەنٸنٸڭ از ۋاقىت ٸشٸندە پايدالانۋعا بەرٸلۋٸ قالا ٶمٸرٸندەگٸ ەلەۋلٸ وقيعا ەكەندٸگٸن اتاپ ٶتتٸ.
اشىلۋ سالتاناتىندا سٶز الىپ, ەلباسى جولداۋىندا ايتىلعان جايلاردى ەردايىم نازاردا ۇستاناتىندىعىن بٸلدٸرگەن «اقشىڭ» كورپوراتسيياسىنىڭ پرەزيدەنتٸ مارات قۇرمانباي ٶزگە دە بٸرنەشە وتباسىلارعا پەتەر كٸلتٸن تابىس ەتتٸ. سونىمەن قاتار وسىناۋ ٸرگەلٸ قۇرىلىستى مەجەلٸ ۋاقىتىندا اياقتاپ, حالىق يگٸلٸگٸنە بەرۋ جولىندا جۇمىلا ەڭبەك ەتكەن قۇرىلىس كومپانييالارىنا العىسىن بٸلدٸردٸ.
سەمەيدە تاعى بٸر يگٸلٸكتٸ ٸستٸڭ تۇساۋى كەسٸلدٸ.
سەتجان قاسىمجانۇلى,
شىعىس قازاقستان وبلىسى
