جاڭا كونستيتۋسيا جوباسى جاريالانعاننان كەيىن ەلدە قوعامدىق تالقىلاۋ ايتارلىقتاي كۇشەيدى، دەپ حابارلايدى Dalanews.kz.

بۇل تۋرالى پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتى ديرەكتورى جاندوس شايماردانوۆ مالىمدەدى.

ونىڭ ايتۋىنشا، ازاماتتاردان كەلىپ ءتۇسىپ جاتقان ۇسىنىستار مەن وتىنىشتەر «ە-وتىنىش» پلاتفورماسىندا ءالى دە قابىلدانىپ جاتىر. قازىرگى تاڭدا ولاردىڭ جالپى سانى 4 مىڭنان اسىپ كەتكەن.

سونىمەن قاتار، باستامالار تەك قاراپايىم تۇرعىنداردان عانا ەمەس، ساراپشىلار مەن ادۆوكاتتار قاۋىمداستىعىنان دا جولدانىپ جاتقانىن اتاپ ءوتتى.

ەسكە سالايىق، بۇگىن كونستيتۋسيالىق رەفورمالار جونىندەگى كوميسسيانىڭ (كونستيتۋسيالىق كوميسسيا) كەزەكتى وتىرىسى ءوتىپ جاتىر.