كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ ءتارتىبى اعىمداعى جىلدىڭ 18 ساۋىرىندە بەكىتىلدى جانە بۇگىنگى تاڭدا اكىمدىكتەر وتىنىمدەردى قابىلداۋ ءۇشىن call-ورتالىقتار مەن اقپاراتتىق رەسۋرستار قۇرۋ بويىنشا شۇعىل شارالار قابىلداپ جاتىر، دەپ حابارلايدى Dalanews.kz ق ر ييدم باسپا ءسوز قىزمەتىنە سىلتەمە جاساپ.
اكىمدىكتەر وتىنىمدەردى قابىلدايتىن ارناۋلى جۇيەنى دايىنداعاننان كەيىن ول تۋرالى جەرگىلىكتى حالىقتى حابارلاندىرادى.
اتالعان جۇمىس مۇمكىندىگىنشە قىسقا مەرزىم ىشىندە جۇرگىزىلەدى. سوندىقتان ءوتىنىم بەرۋ ءۇشىن اكىمدىكتەردەن ءتيىستى اقپاراتتى كۇتۋ قاجەت.
مەملەكەت اعىمداعى جىلدىڭ ءساۋىر جانە مامىر ايلارى ءۇشىن كوممۋنالدىق قىزمەتتەرگە اقى تولەيدى، سوندىقتان ءوتىنىم بەرۋگە اسىقپاۋ قاجەت. ويتكەنى بارلىق وتىنىشتەر مامىر ايىن قوسا العانداعى كەزەڭدە قابىلدانادى.
وتىنىمدەر call-ورتالىقتار مەن اقپاراتتىق جۇيەلەر ارقىلى قابىلدانادى. اكىمدىكتەرگە تۇتىنۋشىنىڭ جەكە سايكەستەندىرۋ ءنومىرىن، الەۋمەتتىك مارتەبەسىن جانە ەسەپشوتىنىڭ دەرەكتەرىن ۇسىنۋ قاجەت.
ەستەرىڭىزگە سالا كەتەيىك، قازاقستان رەسپۋبليكاسى پرەزيدەنتىنىڭ تاپسىرماسىن ورىنداۋ ماقساتىندا يندۋستريا جانە ينفراقۇرىلىمدىق دامۋ مينيسترلىگى توتەنشە جاعداي كەزەڭىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ قاعيدالارىن بەكىتتى.
ونىڭ نەگىزگى ماقساتى - كارانتين كەزىندە مەملەكەتتىڭ قولداۋى قاجەت ادامدارعا كومەك كورسەتۋ.
اكىمدىكتەر جانە ەڭبەك جانە حالىقتى الەۋمەتتىك قورعاۋ مينيسترلىگى ۇسىنىستارىنىڭ نەگىزىندە مىناداي ساناتتاعى ادامداردىڭ كوممۋنالدىق قىزمەتتەرىنە تولەم جۇرگىزىلەدى:
1) 1، 2 جانە 3 توپتاعى مۇگەدەكتەر؛
2) ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛
3) مۇگەدەك بالالاردى تاربيەلەۋشi وتباسىلار؛
4) كوپبالالى وتباسىلار؛
5) ەڭ تومەن جانە از زەينەتاقى الاتىن زەينەتكەرلەر؛
6) مەملەكەتتiك نەمەسە قوعامدىق مiندەتتەرiن، اسكەري قىزمەتiن ورىنداۋ كەزiندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومiرiن قۇتقارۋ كەزiندە، قۇقىق ءتارتiبiن قورعاۋ كەزiندە قازا تاپقان (قايتىس بولعان) ادامداردىڭ وتباسىلارى؛
7) اتاۋلى الەۋمەتتىك كومەك الاتىن ازاماتتار، ونىڭ ىشىندە جالعىز باستى زەينەتكەرلەر.
15 مىڭ تەڭگە مولشەرىندەگى تولەم اي سايىن كوممۋنالدىق قىزمەتتەردى تۇتىنۋشىلاردىڭ ەسەپشوتىنا (ابونەنتتىك شوتقا) جىبەرىلەتىن بولادى.
كومەك كوممۋنالدىق قىزمەتتەردى جەتكىزۋشىلەرمەن ءوز اتىنان شارت جاساسقان جانە كارانتين ەنگىزىلگەن ەلدى مەكەندە تۇراتىن كورسەتىلگەن ساناتتارداعى ادامدارعا كورسەتىلەتىن بولادى.
مۇگەدەك بالالاردى تاربيەلەۋشi وتباسىلار، كوپبالالى وتباسىلار جانە قىزمەتiن ورىنداۋ كەزiندە قازا تاپقان ادامداردىڭ وتباسىلارىنا كەلسەك، ولاردىڭ وتباسىنىڭ ءبىر مۇشەسىندە كوممۋنالدىق قىزمەتتەردى جەتكىزۋشىلەرمەن شارت جاسالعان بولۋى ءتيىس.
