كٶلٸك ۆيتسە-مينيسترٸ سەتجان ابلاليەۆ 78 مىڭ دوللار كٶلەمٸندە پارا الدى دەگەن كٷدٸكپەن تەرگەلٸپ جاتىر, دەپ حابارلايدى Dalanews.kz.
الدىن الا بولجام بويىنشا, شەنەۋنٸك ەلگٸ اقشانى ۇلىبريتانيياداعى ۇلىنىڭ وقۋىنا جۇمساعان. تەرگەۋشٸلەردٸڭ پايىمىنشا, پارا رەسپۋبليكالىق اۆتوجول قۇرىلىسىنا تەح.باقىلاۋ جٷرگٸزگەن كومپانييالارعا جاسالعان قامقورلىقتىڭ ٶتەۋٸ رەتٸندە بەرٸلگەن.
ٸستٸڭ انىق-قانىعى تۋرالى رەسمي اقپارات جارييالانعان جوق. تەرگەۋدٸ ۇقك قۇرامىنا ٶتكەن جاڭا جەمقورلىققا قارسى قىزمەت جٷرگٸزٸپ جاتۋى مٷمكٸن.
ابلاليەۆ جول سالاسىنا ەڭبەگٸ سٸڭگەن بەلگٸلٸ مامان, تەحنيكا عىلىمدارىنىڭ كانديداتى, 30-عا تارتا عىلىمي جۇمىستىڭ اۆتورى. «قۇرمەت» وردەنٸ, «ەرەن ەڭبەگٸ ٷشٸن» جەنە «تەۋەلسٸزدٸككە 25 جىل» مەدالىمەن ماراپاتتالعان. «كٶلٸك سالاسىنىڭ قۇرمەتتٸ قايراتكەرٸ» اتاعى جەنە بار.
ۇزاق جىلدار كٶلٸك جەنە جول قۇرىلىسى سالاسىندا لاۋازىمدى قىزمەت اتقارىپ, سقو ەكٸمٸنٸڭ ورىنباسارى بولعان. 2023 جىلدىڭ قازان ايىنان باستاپ كٶلٸك ۆيتسە-مينيسترٸ قىزمەتٸن اتقارىپ كەلگەن.
قىزمەتكە كەلگەسٸن بٸرقاتار باستاما كٶتەرٸپ, قىتاي مەن ەۋروپا اراسىنداعى جٷك تاسىمالىنىڭ ۋاقىتىن قىسقارتۋدى كٶزدەگەن. ەلدەگٸ مىڭداعان شاقىرىم جولدىڭ ساپاسىن ارتتىرۋعا ارنالعان جوبالاردى قولعا الىپ, حالىقارالىق ستاندارتقا ساي جول قاۋٸپسٸزدٸگٸن نىعايتۋ باعدارلاماسىن ەنگٸزۋدٸ جوسپارلاعان بولاتىن.
ابلاليەۆ بىلتىر وتاندىق ەۋە كومپانييالارى دومبىرانى ۇشاق ٸشٸندە تاسۋعا تىيىم سالعان كەزدە قوعام سىنىنا ۇشىراعان. ول ەرەجەنٸ قايتا قاراۋعا ۋەدە ەتكەن ەدٸ.
قىزىعى سول, ابلاليەۆ كٶلٸك سالاسى قىزمەتكەرلەرٸنٸڭ كەسٸبي مەرەكەسٸ كٷنٸ ۇستالىپ وتىر.
