باتىس قازاقستان وبلىسى اكىمىنىڭ باسپا ءسوز حاتشىسى جارقىن جۋماديلوۆ ءوزىنىڭ الەۋەمتتىك جەلىدەگى پاراقشاسىندا وبلىس اكىمى التاي كولگىنوۆتىڭ قىزمەتتىك كولىگىنە قاتىستى شىققان اقپاراتقا تۇسىنىكتەمە بەردى.

– اكىمنىڭ قىزمەتتىك كولىگى ءۇشىن بيۋدجەتتەن قارجى بولىنبەدى. ياعني، جاڭا كولىك ساتىپ الىنعان جوق. وسى ۋاقىتقا دەيىن بولعان «مەرسەدەس» كولىگىنىڭ جالعا الۋ ۋاقىتى 2016 جىلدىڭ 31 جەلتوقسانىندا اياقتالعان بولاتىن. جاڭا جىلدان باستاپ، «اۋدي» ا8 كولىگىن جالعا الىنعانى راس. ارەندا اي سايىن 50 مىڭ تەڭگە. ەگەر كۇمان بولسا ارنايى ساۋال جولداۋلارىڭىزعا بولادى.

بۇل كولىك 2015 جىلى شىققان، ياعني سالوننان الىنعان سۋ جاڭا اۆتوماشينا ەمەس. تاراتىلعان اقپاراتتا وسى كولىكتىڭ ەڭ وزىق ۇلگىسىنىڭ سالونداعى باعاسى كورسەتىلگەن. قايتالاپ ايتامىن 56 ملن. تەڭگە بيۋدجەتتەن قارجى بولىنگەن جوق. وعان دا ساۋال جولداۋعا بولادى. سوندىقتان، اتالعان كولىك ءتۇرىنىڭ سالونداعى باعاسىن العا تارتىپ، بولماعان ءىستى بولعانداي ەتىپ، اقپاراتتى بۇرمالاماۋلارىڭىزدى سۇرايمىن»، – دەپ اكىمنىڭ باسپا ءسوز حاتشىسى تۇسىنىكتەمە بەردى.