جەمقورلىقپەن كٷرەسٸپ جٷرگەن قازاقستانداعى تانىمال قوعام بەلسەندٸسٸ ديدار سماعۇلوۆ دەنساۋلىق ساقتاۋ مينيسترلٸگٸنە قاتىستى تاعى بٸر دەرەك جارييالادى, دەپ حابارلايدى Dalanews.kz.
ديدار سماعۇلوۆتىڭ ايتۋىنشا, اقش-تاعى قۇندى قاعازدار جٶنٸندەگٸ كوميسسييا ماتەريالدارىندا Sanofi 2007-2011 جىلدارى قازاقستاننىڭ دەنساۋلىق ساقتاۋ جٷيەسٸندە پارا بەرۋ سحەمالارىنا بارعانى كٶرسەتٸلگەن.
"2013 جىلى سانيتارييالىق-ەپيدەميولوگييالىق باقىلاۋ كوميتەتٸن باسقارعان ايجان ەسماعامبەتوۆا ددسۇ-نىڭ 2012 جىلعى ەسكەرتۋٸنە قاراماستان, ەلدٸ جاسۋشاسىز ۆاكتسينالارعا كٶشٸردٸ. ددسۇ ول كەزدە مۇنداي ٶزگەرٸس بولاشاقتا ٸندەت قاۋپٸن كٷشەيتەتٸنٸن ايتقان. 2024 جىلى وسى شەشٸمنٸڭ سالدارى بايقالىپ, نەرەستەلەر اراسىنداعى ٶلٸم كٶبەيٸپ, بۇرىنعى تولىق جاسۋشالى ۆاكتسينالاردان كەيٸنگٸ يممۋنيتەت ەلسٸرەپ بٸتتٸ", - دەدٸ ول.
ونىڭ پٸكٸرٸنشە, ەسماعامبەتوۆا 2020–2024 جىلدارى ۆيتسە-مينيستر ەرٸ باس سانيتارييا دەرٸگەرٸ قىزمەتٸن اتقارعاندا كٶكجٶتەل ٶرشٸپ, قىزىلشا كٷرت كٶبەيگەن.
جازبادا "2023-2024 جىلدارى قازاقستان قىزىلشا ٶسٸمٸ بويىنشا ٷندٸستاننان دا "وزىپ كەتكەنٸ" ايتىلادى.
