مەملەكەت باسشىسى قاسىم-جومارت توقاەۆ قازاقستاننىڭ اتوم ەنەرگەتيكاسى مەن كليمات ٶزگەرٸسٸ جٶنٸندەگٸ ۇستانىمىن جارييالاپ, ٶڭٸرلٸك ىنتىماقتاستىقتىڭ ماڭىزىن ەرەكشە اتاپ ٶتتٸ, دەپ حابارلايدى Dalanews.kz.
“ەلەمدەگٸ ۋران قورىنىڭ 40 پايىزى قازاقستاننىڭ ەنشٸسٸندە. سوندىقتان ەلٸمٸز اتوم ەنەرگەتيكاسىن دامىتۋدى ۇلتتىق ستراتەگييانىڭ باسىم باعىتى رەتٸندە قاراستىرادى.
الايدا كليمات داعدارىسى شەشٸلمەي, ەشقانداي ورنىقتى دامۋ بولمايدى. ورتالىق ازييا – پلانەتاداعى كليمات ٶزگەرٸستەرٸنە وسال ٶڭٸرلەردٸڭ بٸرٸ. مۇندا عالامدىق جىلىنۋ دەڭگەيٸ ەلەمدەگٸ ورتاشا كٶرسەتكٸشپەن سالىستىرعاندا ەكٸ ەسە جوعارى.
اتالعان قيىندىقتاردى ەڭسەرۋ ٷشٸن ٶڭٸرلٸك تۇرعىدان ٷيلەستٸرٸلگەن, پراگماتيكالىق باعىتتاعى كليمات كٷن تەرتٸبٸن ٸلگەرٸلەتۋگە بەيٸلمٸز. ونىڭ اياسىندا ەلٸمٸز بٸرقاتار حالىقارالىق ۇيىمعا مٷشە بولىپ, كەلٸسٸمدەرگە قوسىلدى. كەلەسٸ جىلى قازاقستان بۇۇ-مەن بٸرگە ٶڭٸرلٸك ەكولوگييالىق سامميتٸن ٶتكٸزەدٸ. بۇل الاڭ ورتالىق ازييا ەلدەرٸنٸڭ ستراتەگيياسىن جاھاندىق ماقساتپەن ۇشتاستىرۋدى كٶزدەيدٸ”, — دەيدٸ ول.
پرەزيدەنتتٸڭ مەلٸمەتٸنشە, قازاقستان وسى باعىتتا بٸرنەشە حالىقارالىق ۇيىمدارعا مٷشە بولىپ, تيٸستٸ كەلٸسٸمدەرگە قوسىلعان.
“قازاقستان ٶزارا قۇرمەت پەن ايماقتىق ىقپالداستىقتى ارقاۋ ەتكەن ورتالىق ازييانىڭ تۇراقتىلىعى بەرٸك, ىنتىماعى بەكەم, بولاشاعى ايقىن بولعانىن قالايدى.
ەكٸ اي بۇرىن بۇۇ باس اسسامبلەياسى الماتىدا ورتالىق ازييا مەن اۋعانستان ٷشٸن ورنىقتى دامۋ ماقساتتارى جٶنٸندەگٸ بۇۇ-نىڭ ايماقتىق ورتالىعىن قۇرۋ تۋرالى قاراردى رەسمي تٷردە قابىلدادى. بۇل – بٸزدٸڭ كٶپجاقتى دامۋعا ٷلەس قوسقان ماڭىزدى جەتٸستٸگٸمٸز. اتالعان ورتالىق بٸرلەسكەن جوبالارعا قولداۋ كٶرسەتٸپ, تەحنيكالىق ساراپتامالاردى قامتاماسىز ەتەدٸ جەنە حالىقارالىق ىنتىماقتاستىقتى ٷيلەستٸرەدٸ”, — دەپ قوستى ول.
