جالپى جاۋاپتى مەملەكەتتٸك قىزمەتتە وتىرعان ادامنىڭ بۇلايشا اقتالۋى قانشالىقتى ورىندى?
راس, قازٸر مەملەكەتتٸك كومپانييالاردا كەزٸندە... بيزنەستە تابىستى جۇمىس ٸستەپ, بٷگٸندە ٶزٸنٸڭ ٸس-تەجٸريبەسٸن مەملەكەتتٸك قىزمەتتە «سىناپ» جٷرگەن مەنەدجەرلەردەن اياق الىپ جٷرە المايسىز.
بٸزدٸڭ بٸلۋٸمٸزشە, بيزنەستە تابىستى جۇمىس ٸستەگەن ادامدار دەل قازٸرگٸ ۋاقىتتا «ات باسىنداي التىن بەرەم مەملەكەتتٸك قىزمەتكە بار» دەسەڭدە بارمايدى.
ايتالىق, 90 جىلدارى بيزنەستٸ دٶڭگەلەتٸپ, ميلليارد دوللار تاپقان مارعۇلان سەيسەمباي نەگە مينيستر بولۋعا, «سامۇرىق – قازىناعا» قاراستى كٶپ كومپانييالاردىڭ بٸرٸن باسقارۋعا نەگە ۇمىتىلمايدى? كەرەك دەسەڭٸز, سەيسەمباي پرەزيدەنتتٸڭ جانىنداعى ۇلتتىق سەنٸم كەڭەسٸنە مٷشەسٸ بولۋدان باس تارتقانىن بٸلەمٸز.
سول سيياقتى «Astana Motors» كومپانيياسىنىڭ نەگٸزٸن قالاعان نۇرلان سماعۇلوۆ نەگە مينسيتر بولۋدى ارماندامايدى?
سول سيياقتى قۇرىلىس سالاسىندا اتى شىققان ايدىن راحىمباەۆ پەن مەديا سالاسىنىڭ جٸلٸگٸن شاعىپ مايىن ٸشكەن ارمانجان بايتاسوۆتىڭ مينيستر بولىپ, مەملەكەتتٸك كومپانييانى باسقارۋعا قابٸلەتٸ جەتپەي ما? جەتەدٸ. جەتكەندە قانداي?
بۇلاردى ناعىز كەسٸپكەرلەر. سماعۇلوۆ دەسەڭٸز «Astana Motors», سەيسەمباي دەسەڭٸز «اليانس بانك», راحىمباەۆ اۋىزعا الساڭىز «BI Group» كوماپنيياسى ٶزدٸگٸنەن تٸل ۇشىنا ورالا كەتەدٸ.
بۇل ازاماتتار «كەسٸپكەرمٸن, ەيەلٸمە ميلليون دوللارعا كٶلٸك الىپ بەردٸم» دەسە ەشكٸم ولارعا قارسى داۋ ايتپايدى. ٶيتكەنٸ ولارعا حالىق سەنەدٸ. ال ايباتىر جۇماعۇلوۆتىڭ «كەزٸندە كەسٸپكەرلٸكپەن اينالىستىم, 12 كٶلٸكتٸ سول كەزدە اۋىستىرىپ الدىم» دەگەن سٶزٸنە ەشكٸم دە سەنگەن جوق. ونىڭ بۇل سٶزٸ قايتا جۇرتتىڭ اشۋىن تۋعىزعانى انىق.
يە, ايباتىر جۇماعۇلوۆ ەلٸمٸزدەگٸ ٸرگەلٸ كوممەرتسييالىق بانكتە جەنە «باۋىر قازاقستان» دەگەن كومپانييالاردى جاۋاپتى قىزمەتتەر اتقارعانى بەلگٸلٸ. ايتپاقشى, جۇماعۇلوۆتىڭ بيزنەستە تابىستى جۇمىس ٸستەگەن جىلدارى «بانك تسەنتركرەديت» بانكٸندە قىزمەت ەتكەن جىلدارىمەن تۇسپا-تۇس كەلەدٸ ەكەن.
يە, بانكتە ٶزٸنە تاپسىرىلعان جۇمىستاردى تابىستى اتقارىپ, بانك قوجايىندارىنىڭ كٶڭٸلٸنەن شىققان شىعار (مۇنى ەندٸ بيزنەس سالاسىندا تابىستى جۇمىس ٸستەدٸم دەپ ايتۋعا بولا ما?).
سٶز جوق, جۇماعۇلوۆ «بٸلٸكتٸ ەكونوميست, مامانمىن» دەپ ايتۋعا قۇقى بار. بٸراق كەزٸندە بيزنەسپەن تابىستى اينالىسىپ, قوماقتى قور جينادىم دەپ ايتۋى ارتىقتاۋ.
يە, قازٸر مەملەكەتتٸك كومپانييالارعا ٸرٸ قارجىلىق توپتارعا جاقىن جٷرەتٸن قارجىگەر, ەكونوميستەر كەلٸپ جاتىر. ولاردى بٸلٸكتٸ بيزنەسمەن دەپ ايتۋ ارتىق. سول سەبەپتٸ ولار جازا باسقاندا «بۇرىن بيزنەسپەن اينالىسقاندا العان دٷنيە-مٷلكٸم» دەگەن سٶزدەرٸنە حالىق سەنبەيدٸ. ال بۇعان حالىقتىڭ سەنبەۋگە قاقىسى بار.
جاربول كەنتۇلى
