18 ساۋىردە الماتىدا اۋقىمدى Kia Family Day فەستيۆالى ءوتتى. بۇل شارا Kia اۆتوكولىك يەلەرىمەن قاتار، قالا تۇرعىندارى مەن قوناقتارىنا ارنالعان ۇلكەن مەرەكەگە اينالدى. ءىس-شاراعا شامامەن 10 مىڭعا جۋىق ادام قاتىستى، دەپ حابارلايدى Dalanews.kz.
Aport Mall East الاڭىندا جينالعان قوناقتار ءۇشىن Allur قۇرامىنداعى Kia برەندى وكىلدەرى ارنايى تەگىن دياگنوستيكا ۇيىمداستىردى. وعان تمد ەلدەرى مەن كورەيادان كەلگەن ۇزدىك ماماندار قاتىستى. ناتيجەسىندە 150-دەن استام كولىك تەكسەرۋدەن ءوتتى.
سونىمەن قاتار قوناقتارعا Kia مودەلدەرىنىڭ تەست-درايۆى، فيرمالىق سىيلىقتار، ءدام-تاعامدار، بالالارعا ارنالعان ويىن-ساۋىق جانە Raim مەن ەركە ەسماحاننىڭ كونسەرتتىك باعدارلاماسى ۇسىنىلدى.
Kia Family Day – بۇكىل قازاقستان بويىنشا ءۇش اپتاعا سوزىلعان Kia Service Weeks سەرۆيستىك ناۋقانىنىڭ قورىتىندىسى. پايدالانىلعانىنا ەكى جىلدان اسقان جانە ءجۇرىسى 30 مىڭ كم-دەن اساتىن Kia اۆتوكولىكتەرىنىڭ يەلەرى ديلەرلىك ورتالىقتارعا شاقىرىلىپ، كۇردەلى اقاۋلاردى قوسا قامتيتىن تەگىن كەشەندى دياگنوستيكادان ءوتتى. جوندەۋ جۇمىستارىن ديلەردە ارنايى باعامەن جۇرگىزۋ مۇمكىندىگى قاراستىرىلدى.
ءىس-شارانى ۇسىنىلاتىن TotalEnergies موتور مايى مەن S-Oil ترانسميسسيالىق مايى قولدادى.
