دەپۋتاتتار سالىق رەفورماسىن ءالى دە قىزۋ تالقىلاپ جاتىر. بۇل تۋرالى ءماجىلىس دەپۋتاتى اسحات ايماعامبەتوۆ مالىمدەدى، – دەپ حابارلايدى Dalanews.kz.
بۇگىن قوعامدىق پالاتادا سالىق ماسەلەسى تاعى تالقىلانعان.
"تاقىرىپ كۇردەلى. پىكىرلەر ءارتۇرلى، كەيدە ءتىپتى قاراما-قايشى. پىكىر الشاقتىعىنا قاراماستان، ءبىر نارسەنى اتاپ وتكىم كەلەدى: ۇلتتىق ەكونوميكا جانە قارجى مينيسترلىگىنىڭ وكىلدەرى كاسىبي، دالەلدى جانە سابىرلى ۇستانىم كورسەتىپ وتىر. ءيا، كەي ساتتەردە ەموسياعا بەرىلىپ كەتەتىن ساتتەر دە بولادى - بۇل قالىپتى. ويتكەنى ءسوز حالىقتىڭ جاعدايى تۋرالى بولىپ وتىر. باستىسى — تالقىلاۋ مادەنيەتتى، كاسىبي دەڭگەيدە ءوتىپ جاتىر. بۇل قۋانتادى"، - دەدى ول.
ايماعامبەتوۆتىڭ سوزىنشە، كۇن تارتىبىندە ءالى دە وزەكتى ۇسىنىستار بار:
- جەكە ادامدار اراسىنداعى كارتادان كارتاعا اۋدارىمدارعا نقس-تى الىپ تاستاۋ؛
- دارى-دارمەك، مەديسينالىق قىزمەتتەر، كىتاپتار، باسپا ءىسى، بالالار انيماسياسى سياقتى الەۋمەتتىك ماڭىزدى باعىتتاردى نقس-تان بوساتۋ؛
- ءىرى بيزنەسكە بەرىلەتىن نەگىزسىز سالىقتىق جەڭىلدىكتەردى قىسقارتۋ.
ەسكە سالايىق، وسى سارسەنبىدە ماجىلىستە جاڭا سالىق كودەكسىنىڭ جوباسى تالقىلاندى. پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين جوبا بىلتىر قىركۇيەكتەن باستاپ قارالىپ جاتقانىن، بيىل وعان تۇجىرىمدامالىق تۇزەتۋلەر ەنگىزىلگەنىن مالىمدەدى.
ءجۇمانعاريننىڭ سوزىنشە، قوسىلعان قۇن سالىعى 16% بولادى. ەكىنشى – قوسىلعان قۇن سالىعىنىڭ شەگى. قوسىلعان قۇن سالىعى بويىنشا شەك 40 ملن. تەڭگە مولشەرىندە بەلگىلەنەدى.
