"كەتىرمەي تىنبايتىن سياقتى". بايبەككە كىم قىسىم جاساپ جاتىر؟

Dalanews 05 مام. 2017 04:49 343

 باۋىرجان بايبەكتىڭ ۇيقىسى بۇزىلىپ جۇرگەن شىعار، قۇداي بىلەدى.  

وسىمەن ەكى اپتا بويى الماتى قالاسىنىڭ اكىمىنە جاسالعان اقپاراتتىق قىسىم تولاستار ەمەس، ويتكەنى.

شابۋىلدى "كاراۆان" گازەتى باستاپ بەردى. «كوك-جاسىل قالانىڭ سيقىرشىسى: بايبەك الماتىدا نە ءبۇلدىردى؟»  دەگەن ماقالانى وسى كۇنگە دەيىن 100 مىڭنان اسا ادام وقىعان ەكەن. ءبىز دە وقىدىق.

اكىمنىڭ جۇمىسىن اشىق سىناعان باسىلىمنىڭ جازۋىنشا، قالاعا باسشى بولعالى ۋاقىتتا بايبەك تۇك بىتىرمەگەن. 

"قار تازالانباعان، ارىق ارشىلماعان، جول جوندەلمەگەن، قوعامدىق كولىكتىڭ سيقى اناۋ، تاۋ ەتەگىندەگى ۇيلەر تاسقىننىڭ استىندا قالدى. مەكتەپتەردە وقۋشىلار سىعىلىسىپ وقۋعا ءماجبۇر. ءبىر عانا "وڭاي" جۇيەسىن الايىق. قوعامدىق كولىكتى تارتىپكە كەلتىرەم دەگەنىنە ەكى جىلدىڭ ءجۇزى بولدى. ۋادەسىن ورىندادى ما؟ جوق. جاڭادان اكەلەم دەگەن 300 اۆتوبۋس قايدا؟ ەشكىم بىلمەيدى. ەسەسىنە وز-وزىنە جارناما جاساۋعا قۇمار. كوپتىڭ الدىنا شىققاندا ۇناتادى. شەشەن سويلەيدى. ءسوزى مەن ءىسى ساي ەمەس، ءبىراق. ول باستاماشى بولعان كەز-كەلگەن جاڭا جوبا قيراپ، قۇلاپ تىنادى" دەلىنگەن ماقالادا. 

ماقالا اۆتورى بايبەكتىڭ ۋنيۆەرسيادانى ءوز دەڭگەيىندە وتكىزبەگەنىن دە سىنعا العان. 

 
"كاراۆان" دەرەككوزىنىڭ مالىمەتىنشە، الماتى قالاسىنداعى ءاۋىس-تۇيىس جاقىن كۇندەرى ورىن الادى. بايبەكتىڭ ءوزى قانداي قىزمەتكە تاعايىندالاتىنى ازىرشە بەلگىسىز.

بىلايىنشا، ماقالا ءورىستىلدى باسىلىمداردىڭ ستيلىندە جازىلىپتى. بايبەككە تيىسكەن سەبەپتەردىڭ كوپشىلىگى تىرناق استىنان كىر ىزدەگەنگە كوبىرەك ۇقساي ما، قالاي؟.. 

ءبىزدىڭ ەسىمىزدە قالعانى، بايبەك الماتىعا اكىم بولا سالا الدىمەن قونايەۆقا قۇران باعىشتاعان.
الماتىدا 24 جىل بويىنا ەل بولىپ قويدىرا الماي كەلە جاتقان ساياسي-قۋعىن سۇرگىن مەن اشارشىلىق قۇرباندارىنا ارناپ ەسكەرتكىش اشاتىنىن ايتتى. بىلسەك، ەسكەرتكىش دايىن. الداعى ۋاقىتتا اشىلۋى ءتيىس.

ۇلتشىلدارمەن تىلگە كەلدى. ءبىرشاما ديالوگ قۇردى. ءبىرقاتار كوشە اتاۋلارىن ىڭ-شىڭسىز اۋىستىردى. بالا-باقشانىڭ اقشاسىن ارزانداتتى. تاۋەلسىزدىكتىڭ 25 جىلدىعىن دا ءوز دەڭگەيىندە اتاپ ءوتتى. ازىرگە، ەسىمىزگە تۇسكەنى وسى عانا. ماسەلە، ونى ماقتاۋدا ەمەس.

ماسەلە، بايبەككە شابۋىل جاساۋعا كىم پارمەن بەردى؟ ونى ورنىنان كەتىرۋگە كىم مۇددەلى؟ وعان جاسالعان اقپاراتتىق قىسىمنىڭ استارىندا نە جاتىر؟

دۋمان بىقاي 


 

 

ۇسىنىلعان
سوڭعى جاڭالىقتار