تاياۋدا كەنتاۋ قالالىق مادەنيەت سارايىندا وبلىستىق ىشكى ساياسات باسقارماسىنىڭ تاپسىرىسى بويىنشا «وبلىستىڭ اۋدان، قالالارىندا وتباسىنىڭ بەدەلىن كوتەرۋ، مادەنيەتتىلىكتى، نەكە جانە وتباسى قۇندىلىقتارىن ناسيحاتتاۋ جانە قوعامنىڭ گەندەرلىك مادەنيەتىن ارتتىرۋ بويىنشا ءىس-شارالار ۇيىمداستىرۋ» تاقىرىبىنداعى الەۋمەتتىك جوبانى ىسكە اسىرۋ جانە مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى ماقالاسىن ناسيحاتتاۋ ماقساتىندا «عالامات» قوعامدىق بىرلەستىگى «وتىرار» وبلىستىق عىلىمي-امبەباپ كىتاپحاناسىمەن بىرلەسىپ ۇيىمداستىرۋىمەن «جاقسى ءداستۇر – وتباسىنىڭ تىرەگى» تاقىرىبىندا كەزدەسۋ ءوتتى.
كەزدەسۋگە 2012 جىلى ۇلتتىق قوعامدىق «التىن جۇرەك» سىيلىعىنىڭ، «جەتىم بالالارعا كورسەتكەن قامقورلىعى ءۇشىن» نوميناسياسىنىڭ يەگەرلەرى، 14 بالانى اسىراپ، باۋىرىنا باسقان «باتىر انا» ەرگەشوۆا تۇيمەگۇل، ۇزاق جىلدار بويى كەنتاۋ قالاسى اكىمىنىڭ ورىنباسارى قىزمەتىن اتقارعان مارجان كريۆەنسوۆا، «اجەلەر القاسىنىڭ» ءتورايىمى سالتانات اتامبەك جانە مەكتەپ وقۋشىلارى قاتىستى. ۇيىمداستىرۋشىلار «ۇلتتىق تاربيە – ۇلت بولاشاعى» تاقىرىبىندا كىتاپ كورمەسى مەن «قىز سىڭسۋى» تاقىرىبىنداعى كورىنىستى كورەرمەندەرگە ۇسىندى.
كەزدەسۋ سوڭى ارنايى دايىندالعان بەينەفيلمدەردى تاماشالاۋعا ۇلاستى.
