كەنييادا جەتٸ ادام مٸنگەن تٸكۇشاق اپاتقا ۇشىراپ, بورتتاعى ادامداردىڭ بارلىعى قازا تاپتى, دەپ حابارلايدى dalanews.kz.
مەلٸمەتكە سەيكەس, قايعىلى وقيعا 19 تامىزدا سامبۋرۋ وكرۋگٸندەگٸ ولولوكۆە تاۋى ماڭىندا بولعان. تٸكۇشاقتا التى تۋريست پەن بٸر ۇشقىش بولعان.
پوليتسييانىڭ حابارلاۋىنشا, ەۋە كەمەسٸ Lady Lori چارتەرلٸك كومپانيياسىنا تيەسٸلٸ. ول لايكيپييا وكرۋگٸندەگٸ سويان رانچوسىنان كەنييانىڭ ورتالىق بٶلٸگٸندەگٸ لويسابا قورىعىنا قاراي باعىت العان.
اپات سالدارىنان بورتتاعى جەتٸ ادامنىڭ ەشقايسىسى امان قالمادى.
قازٸرگٸ ۋاقىتتا تٸكۇشاقتىڭ نە سەبەپتٸ قۇلاعانى بەلگٸسٸز. جەرگٸلٸكتٸ اۆياتسييا ورگاندارى وقيعانىڭ مەن-جايىن انىقتاۋ ٷشٸن تەرگەۋ باستاعان.
