Keniiada jeti adam mingen tikushaq apatqa ushyrap, borttaǵy adamdardyń barlyǵy qaza tapty, dep habarlaidy dalanews.kz.
Málimetke sáikes, qaiǵyly oqiǵa 19 tamyzda Sambýrý okrýgindegi Ololokve taýy mańynda bolǵan. Tikushaqta alty týrist pen bir ushqysh bolǵan.
Politsiianyń habarlaýynsha, áýe kemesi Lady Lori charterlik kompaniiasyna tiesili. Ol Laikipiia okrýgindegi Soian ranchosynan Keniianyń ortalyq bóligindegi Loisaba qoryǵyna qarai baǵyt alǵan.
Apat saldarynan borttaǵy jeti adamnyń eshqaisysy aman qalmady.
Qazirgi ýaqytta tikushaqtyń ne sebepti qulaǵany belgisiz. Jergilikti aviatsiia organdary oqiǵanyń mán-jaiyn anyqtaý úshin tergeý bastaǵan.
