«الامان» كومپانياسى ناۋرىز ايىندا دۇنيەگە كەلىپ، ەسىمى كەنەسارى دەپ قويىلعان العاشقى 10 سابيگە 400 مىڭ تەڭگەدەن جورگەكپۇل بەرەتىنىن مالىمدەدى، دەپ حابارلايدى Dala News.
كومپانيا وكىلىنىڭ الەۋمەتتىك جەلىدەگى جازباسىندا اتا-انالار بالانىڭ تۋۋ تۋرالى كۋالىگىن WhatsApp ارقىلى جولداۋى قاجەت ەكەنى كورسەتىلگەن. سىياقى كەنەسارى ەسىمى قويىلعان جانە ناۋرىز ايىندا تۋعان العاشقى ون بالاعا بەرىلەدى.
جازبا اۆتورى بۇل باستامانى تاريحي تۇلعا كەنەسارى حاننىڭ ەسىمىن ۇلىقتاۋمەن بايلانىستىرعان. ونىڭ ايتۋىنشا، كەنەسارى – ازاتتىق جولىندا كۇرەسكەن باتىر، سوندىقتان ەسىمدى جاڭعىرتۋ – ۇلتتىق رۋحتى قولداۋ.
ازىرگە باستامانىڭ ناقتى شارتتارى مەن قاراجاتتىڭ بەرىلۋ ءتارتىبى تۋرالى قوسىمشا رەسمي تۇسىندىرمە جاريالانعان جوق.
