شىمكەنت قالاسىنىڭ ەكٸمدٸگٸ كەڭ بابا ساياباعىن مەملەكەت مەنشٸگٸنە قايتارۋدا بەلسەندٸ جۇمىستار اتقارۋدا, دەپ حابارلايدى Dalanews.kz.
قازٸر بۇل مەسەلە بويىنشا بٸرنەشە سوت وتىرىسى ٶتٸپ, نەتيجەسٸندە شىمكەنت قالالىق سوتىنىڭ ازاماتتىق ٸستەر جٶنٸندەگٸ سوت القاسىنىڭ 2024 جىلعى 10 شٸلدەدەگٸ قاۋلىسىمەن بٸرٸنشٸ ساتىداعى سوتتىڭ شەشٸمٸ راستالىپ, ٶزگەرٸسسٸز قالدى.
دەگەنمەن ەكٸمدٸك تاراپىنان اتقارىلاتىن جۇمىستار كٶپ.
ەسكە سالايىق, 1999 جىلى شىمكەنت قالاسى ەكٸمٸنٸڭ شەشٸمٸمەن جالپى كٶلەمٸ 3,9272 گا جەر تەلٸمٸ “چپكف “ساپار” جشس-نە بالالار ساياباعىنىڭ اۋماعىندا بالالار مەن جاسٶسپٸرٸمدەرگە ەستەتيكالىق جەنە مەدەني تەربيە بەرۋ ورتالىعىن ۇيىمداستىرۋعا 15 جىلعا دەيٸن ۋاقىتشا پايدالانۋعا بەرٸلگەن بولاتىن.
ٶكٸنٸشكە قاراي, باستاپقى جوبا ورىندالماي ساياباق از ۋاقىتتا ٷلكەن قوعامدىق تاماقتانۋ الاڭىنا اينالدى. كوممەرتسييالىق پايدالانۋ بارىسىندا عاسىرلار بويعى ەمەن اعاشتارى كەسٸلٸپ, ساياباقتىڭ كەي اۋماقتارى بەتوندالىپ, پليتكالار تٶسەلٸپ, ۋەدە ەتٸلگەن بالالار ورتالىعى جاسالمادى. تەگٸن ويىن الاڭدارى, ەتكەنشەكتەر مەن قۇمسالعىشتار دا قيراتىلدى.
ۋاقىت ٶتە ساياباقتا ساۋدا نىساندارى كٶبەيٸپ, سانيتارلىق جاعداي ناشارلاپ, ازاماتتاردىڭ نارازىلىعىن تۋعىزدى. قوعامدىق پٸكٸردٸ ەسكەرە وتىرىپ, ەكٸمدٸك ساياباقتى مەملەكەت مەنشٸگٸنە قايتارۋ پروتسەسٸن باستادى. سەبەبٸ 1999 جىلى بەلگٸلەنگەن جالعا بەرۋ مەرزٸمٸ ەلدەقاشان اياقتالعان بولاتىن.
