جوبا كەلەس اۋدانىنىڭ اقتوبە اۋىلدىق وكرۋگى اۋماعىنان ىسكە اسپاق. ول ءۇشىن ارنايى 50 گەكتار جەر اۋماعى ءبولىندى. اتالعان ايماقتا ەلەكتر ستانسياسىنىڭ قازىعىن قاعۋ ءراسىمى ءوتىپ، ق ر ەنەرگەتيكا مينيسترلىگىنىڭ جاڭارتىلاتىن ەنەرگيا كوزدەرى دەپارتامەنتىنىڭ ديرەكتورى اباي قۇلانباي جانە كەلەس اۋدانى اكىمىنىڭ ورىنباسارى الماس سەكسەنبايەۆ شاراعا ارنايى قاتىستى.
– ينۆەستيسيالىق جوبالار ءوڭىردىڭ ەكونوميكالىق دامۋىن ورگە تارتادى. اۋدانىمىزعا كەلىپ، جاڭا تەحنولوگيالاردى ەنگىزە وتىرىپ، اۋدانىمىزدىڭ دامۋىنا سەپ بولا بىلگەن ينۆەستورلارعا ريزاشىلىعىمدى بىلدىرەمىن. جوبا اياسىندا 20 ادام تۇراقتى جۇمىسپەن قامتىلىپ، تۇرعىنداردىڭ ساپالى ەلەكتر قۋاتىمەن قامتۋعا قول جەتكىزبەكپىز، – دەدى الماس يكرام ۇلى ءوز سوزىندە.
بۇل ستانسيا ساعاتىنا 20 مۆت ەلەكتر قۋاتىن وندىرۋگە قاۋقارلى. قۇرىلىس جۇمىستارى 2023 جىلى اياقتالادى دەپ جوسپارلانىپ وتىر.
