وتكەن جىلدان بەرى ەلىمىزدە بولاشاق ستۋدەنتتەردى وقىتۋ ءۇشىن «كەلەشەك» ءبىرىڭعاي جيناقتاۋ جۇيەسى ىسكە قوسىلعان بولاتىن. قازىرگى تاڭدا ەلوردا تۇرعىندارى بۇل جوبانىڭ بالاشاق ۇرپاق ءۇشىن ماڭىزىن ءتۇسىنىپ، جوبانى قالا تۇرعىندارى اراسىندا كەڭىنەن ءتۇسىندىرىپ، بارىنشا ناسيحتتاۋدا.
بۇگىندە استانا قالاسى اكىمدىگى جوعارى جانە ورتا كاسىپتىك ءبىلىم بەرۋ سالاسىندا ساپالى مامانداردى جانە بالالارىنىڭ ءبىلىم الۋىنا مۇددەلى. بۇل باعىتتا اكىمدىك جىل سايىن ارنايى گرناتتار ءبولىپ، باس قالادا كاسىبي بىلىكتى ماماندار شوعىرىنىڭ قالىپتاسۋىنا كوپتەن بەرى ءوز ۇلەسىن قوسىپ كەلەدى.
سوندىقتان جەرگىلىكتى بيلىك ورىندارى ۇكىمەت قولعا العان «كەلەشەك» جوباسىن بارىنشا قولداپ وتىر. بۇگىندە استانا قالاسىندا مەملەكەتتىك-جەكەمەنشىك ارىپتەستىك بويىنشا ءبىرقانشا ءبىلىم وردالارى بوي كوتەرىپ، جاس جەتكىنشەكتەردىڭ ساپالى ءبىلىم الۋىنا جاعداي جاساعانىن بىلەمىز. سوندىقتان استانالىقتار ق ر عىلىم جانە جوعارى ءبىلىم مينيسترلىگى ۇسىنعان «كەلەشەك» جوباسىنىڭ ماڭىزىن جەتە ءتۇسىنىپ، بۇعان بەلەسەنە قاتىسۋدا.
ءقازىر ەلىمىزدە جوعارى ءبىلىم بەرۋ سالاسىنا جاۋاپتى مينيسترلىك «كەلەشەك» ءبىرىڭعاي جيناقتاۋ جۇيەسىن مەملەكەتتىك ءبىلىم بەرۋ جيناقتاۋ جۇيەسىن جەڭىلدەتىلگەن ءبىلىم بەرۋ نەسيەسى مەن سارالانعان گرانتتى الۋ مەحانيزمىن بىرىكتىرۋ ارقىلى جەتىلدىرۋدى كوزدەۋدە. ويعا العان ءىس ءساتتى ىسكە اسقان كەزدە «كەلەشەك» جوباسى ەلىمىزدە ءبىلىم بەرۋ كاپيتالىن دامىتۋدا اتا-انا مەن مەملەكەتتىڭ جاۋاپكەرشىلىگىن ارتتىرا تۇسەتىنى انىق.
«كەلەشەك» جۇيەسى ەل ازاماتتارىىنڭ قارجىسىن ۇنەمدەپ، بالالارىن جوعارى بىلىممەن قامتاماسىز ەتۋ ءۇشىن جاقسى جاعداي جاساۋعا باعىتتالعان ماڭىزدى باستاما ەكەنى ءسوزسىز. جۇيەنىڭ نەگىزگى ماقساتى – ءارتۇرلى كوزدەردەن (اتا-انا، ساقتاندىرۋ كومپانياسى، مەملەكەت) تۇسەتىن قاراجاتتى ءبىرىڭعاي جيناقتاۋشى جۇيەسىنە جيناقتاپ، ءاربىر بالا جوعارى وقۋ ورنىنا ءتۇسۋ جاسىنا قاراي جوعارى ءبىلىم الۋدى قولجەتىمدى ەتۋ بولىپ تابىلادى.
وسى رەتتە «كەلەشەك» جۇيەسى اياسىنداعى اقشانىڭ جيناقتالۋ كوزدەرىنە از-كەم توقتالا كەتسەك. جوبانىڭ نەگىزگى جيناق كوزى ءبىلىم بەرۋ جيناقتاۋشى ساقتاندىرۋ شارتى بويىنشا اتا-انالاردىڭ ساقتاندىرۋ جارنالارى مەن ساقتاندىرۋ ۇيىمدارىمەن ەسەپتەلەتىن ينۆەستيسيالىق كىرىستەر بولىپ تابىلادى. ال بيۋدجەت قاراجاتى ەسەبىنەن 5-7 % مولشەرىندەگى مەملەكەتتىك سىياقى جيناقتىڭ ارتۋىنا ىقپال ەتەتىنىن ايتا كەتۋىمىز كەرەك.
«كەلەشەك» جيناقتاۋ جوباسى اتا-انانىڭ بالالار الدىنداعى جاۋاپكەرشىلىگىن ارتتىرىپ، بالالاردىڭ وقۋىنا اقشا جينايتىن جاقسى ءداستۇردى قالىپتاستىرادى. ال مۇنداي ماڭىزدى جوبالارىڭ ەلوردامىز استانادا ءساتتى ىسكە اسۋى، جوبانىڭ ەل ىشىنە كەڭ تارالىپ، داستۇرگە اينالۋىنا ىقپال ەتەدى.
