كەلەس اۋدانى اكىمدىگىنىڭ ىشكى ساياسات، مادەنيەت جانە تىلدەردى دامىتۋ ءبولىمىنىڭ ۇيىمداستىرۋمەن 18 – قازان رۋحاني كەلىسىم كۇنىنە وراي، كەلەس اۋدانىنىڭ اباي اۋىلىنداعى №13 كوللەدجدىڭ كىشى فۋتبول الاڭىندا ءدىني بىرلەستىكتەر اراسىندا تاتۋلىقتى نىعايتۋ، سالاۋاتتى ءومىر سالتىن ناسيحاتتاۋ ماقساتىندا «رۋحاني كەلىسىم – بەيبىتشىلىك كەپىلى» اتتى سپورتتىڭ كىشى فۋتبول تۇرىنەن سايىس ءوتتى.

سايىسقا اۋداندىق «ەشان اتا» مەشىتى ۇجىمى جانە جاماعاتى، سونداي-اق №13 كوللەدج ۇجىمى جانە كەلەس اۋداندىق جاستار رەسۋرستتىق ورتالىعى ماماندارى توپ بولىپ كومانداعا ءبولىنىپ سايىسقا ءتۇستى. سايىستىڭ اشىلۋ راسىمىندە ءسوز العان اۋداندىق ىشكى ساياسات، مادەنيەت جانە تىلدەردى دامىتۋ ءبولىمىنىڭ باسشىسى د.يلەسوۆ:

– سىزدەردى «رۋحاني كەلىسىم» كۇنىمەن شىن جۇرەكتەن قۇتتىقتايمىن. مەملەكەتىمىزدىڭ باستى ستراتەگيالىق باعىتى – رۋحاني كەلىسىم مەن تاتۋلىقتى ساقتاۋ بولىپ تابىلادى. بۇل مەرەكە ەڭ الدىمەن اۋدانىمىزدى اۋىزبىرشىلىككە، تاتۋلىققا، ىزگىلىككە باستايتىن مەرەكە. ەلىمىزدىڭ بولاشاعى ءۇشىن سىيلاستىقتى ساقتاي وتىرىپ جۇمىس جاساۋ كەرەك، – دەدى.

سونداي-اق مەرەكەلىك ءىس-شارادا اۋدانىق «ەشان اتا» مەشىتىنىڭ يمامى ا.ساديكوۆتە جارىسقا قاتىسۋشىلارعا ساتتىلىك تىلەپ، كۇنتىزبەمىزگە 18 قازاننىڭ رۋحاني كەلىسىم كۇنى رەتىندە ەنۋى – قازاق توپىراعىنا بەيبىتشىلىك ورناتىپ، تۇراقتى قوعام قۇرۋ يدەياسىنان تۋعان ۇلكەن باستاما ەكەنىن تىلگە تيەپ ءوتتى. جالپى سايىس قورىتىندىسى بويىنشا جەڭىمپاز كومانداعا ارنايى كۋبوك تابىستالىپ، سايىسقا قاتىسقان ازاماتتار العىس حاتتارمەن ماراپاتتالدى.

 

كەلەس اۋدانى اكىمىنىڭ باسپا ءسوز قىزمەتى