قازاقستان ەسكەري قىزمەتشٸلەرٸ كاسپيي تەڭٸزٸنٸڭ بٸر بٶلٸگٸن مينادان تازارتۋ جۇمىستارىن جٷرگٸزەدٸ. بۇل اۋماق ارقىلى «قالامقاس-تەڭٸز» جەنە «حازار» جوبالارى اياسىندا سۋاستى مۇناي قۇبىرلارىن تارتۋ جوسپارلانىپ وتىر, دەپ حابارلايدى dalanews.kz.
تيٸستٸ اقپارات 25 قىركٷيەككە دەيٸن قوعامدىق تالقىلاۋعا شىعارىلعان سالىق كودەكسٸنە ەنگٸزٸلەتٸن تٷزەتۋلەر جوباسىندا جارييالاندى. قۇجاتقا سەيكەس, قورعانىس مينيسترلٸگٸ كاسپيي تەڭٸزٸنٸڭ قازاقستاندىق سەكتورىنداعى №200 اۋداندى مينادان تازارتۋى تيٸس. جوسپارلانعان سۋاستى مۇناي قۇبىرلارى دەل وسى اۋماق ارقىلى ٶتەدٸ.
جوبا مەتٸنٸندە قورعانىس مينيسترلٸگٸ «قالامقاس-تەڭٸز» جەنە «حازار» ينۆەستيتسييالىق جوبالارىنا ارنالعان سۋاستى مۇناي قۇبىرلارىنىڭ باعىتى ٶتەتٸن تەڭٸز اۋدانىندا ميناسىزداندىرۋ جۇمىستارىن جٷرگٸزەتٸنٸ كٶرسەتٸلگەن. مۇندا تەك تەڭٸز تٷبٸن زەرتتەۋ جۇمىستارى عانا ەمەس, سۋاستىنداعى ٸزدەستٸرۋ-قۇتقارۋ جەنە جارىلىس-تەحنيكالىق وپەراتسييالار دا اتقارىلادى.
ارنايى جابدىقتى جوبا وپەراتورى ساتىپ الادى
مۇنداي جۇمىستارعا دايىندىق بۇعان دەيٸن باستالعان. 2025 جىلدىڭ مامىرىندا قورعانىس مينيسترلٸگٸ, ەنەرگەتيكا مينيسترلٸگٸ جەنە Kalamkas-Khazar Operating كومپانيياسى ىنتىماقتاستىق تۋرالى مەموراندۋمعا قول قويعان. قۇجاتقا سەيكەس, ميناسىزداندىرۋعا قاجەتتٸ ارنايى جابدىقتى جوبا وپەراتورى ساتىپ الادى. كەيٸن بۇل قۇرال-جابدىقتار قازاقستان قورعانىس مينيسترلٸگٸنٸڭ مەنشٸگٸنە بەرٸلەدٸ.
سونداي-اق زاڭ جوباسىنىڭ تٷسٸندٸرمە جازباسىندا سالىقتىق مەسەلەلەر دە قاراستىرىلعان. وندا قورعانىس مينيسترلٸگٸ جٷرگٸزەتٸن سۋاستى ٸزدەستٸرۋ جەنە جارىلىس-تەحنيكالىق جۇمىستاردىڭ نەتيجەسٸندە Kalamkas-Khazar Operating كومپانيياسىندا كورپوراتيۆتٸك تابىس سالىعى مەن جەر قويناۋىن پايدالانۋعا سالىناتىن بالامالى سالىقتى ەسەپتەۋ ٷشٸن تابىس تۋىندامايتىنى اتاپ ٶتٸلگەن.
