ۇقك-نىڭ بۇرىنعى ءتوراعاسى كارىم ءماسىموۆتىڭ استاناداعى ءزاۋلىم ۇيىنەن تاركىلەنگەن بىرنەشە بۇيىم اۋكسيوندا ساۋدالاندى. بۇل تۋرالى ەلەكتروندى ساۋدا الاڭىنىڭ دەرەكتەرىندە كورسەتىلگەن، دەپ حابارلايدى Dalanews.kz.
ساۋدا 16 قىركۇيەكتە ءوتتى. بارلىعى بەس لوت ساتىلدى.
ەڭ قىمبات لوت - «Elizabeth II» سەرياسىنداعى، نومينالى 200 دوللار، كەنگۋرۋ بەينەلەنگەن التىن مونەتا. لوت ءۇشىن ءتورت قاتىسۋشى باسەكەلەسىپ، باستاپقى 3،2 ملن تەڭگەلىك باعا 4،3 ملن تەڭگەگە دەيىن ءوستى.
ەڭ ارزان لوت زەرگەرلىك بۇيىمدار جيىنتىعى بولدى. ول باستاپقى باعاسى 22 مىڭ تەڭگەدەن 42 مىڭ تەڭگەگە دەيىن كوتەرىلىپ ساتىلدى. بۇل بۇيىمعا ەكى ساتىپ الۋشى تالاستى.
سونىمەن قاتار ساتىلعاندار:
- ءتۇرلى ءتۇستى ەمال جانە سۇيەك اشەكەيلەرىمەن قاپتالعان قىلىش – 385 مىڭ تەڭگەگە؛
- ەكى كاۆكازدىق قانجار – 438 مىڭ تەڭگەگە؛
- سارى مەتالدان جاسالعان قىنعا سالىنعان پىشاق – 155 مىڭ تەڭگەگە.
قايتارىلعان اكتيۆتەردى باسقارۋ كومپانياسى بۇل زاتتاردىڭ ناقتى كىمنەن الىنعانىن اشىپ ايتپادى. الايدا ولاردىڭ بارلىعى كارىم ماسىموۆكە تيەسىلى ءزاۋلىم ۇيدەن تاركىلەنگەن مۇلىك تىزىمىنە كىرەدى.
