ەلەمگە Ye ەسٸمٸمەن تانىمال امەريكالىق رەپەر كانە ۋەستٸڭ رەسەيدە ٶتۋٸ جوسپارلانعان كونتسەرتتەرٸ ٶتپەيتٸن بولدى, دەپ حابارلايدى dalanews.kz.
سانكت-پەتەربۋرگتەگٸ «گازپروم ارەنادا» 10 جەنە 11 قازان كٷندەرٸ ۇيىمداستىرىلۋى تيٸس بولعان كونتسەرتتەردٸڭ ٶتكٸزٸلمەيتٸنٸ بەلگٸلٸ بولدى. ستاديون ەكٸمشٸلٸگٸ ۇيىمداستىرۋشىلارمەن كەلٸسٸمشارتقا قول قويىلماعانىن مەلٸمدەپ, سوندىقتان الاڭدا كونتسەرت ٶتكٸزۋ مٷمكٸن ەمەس ەكەنٸن حابارلادى.
الايدا شارانى ۇيىمداستىرۋمەن اينالىسقان Say Agency كومپانيياسى بۇل اقپاراتتى بۇقارالىق اقپارات قۇرالدارىنان عانا بٸلگەنٸن ايتىپ وتىر. كومپانييا ٶكٸلدەرٸنٸڭ سٶزٸنشە, ارەنا باسشىلىعىمەن كەلٸسٸمشارتقا 27 تامىزعا دەيٸن قول قويۋ جوسپارلانعان جەنە كونتسەرتتەردٸڭ توقتاتىلعانى تۋرالى ەشقانداي رەسمي حابارلاما الماعان.
قازٸر «گازپروم ارەنانىڭ» رەسمي سايتىنان كونتسەرت تۋرالى حابارلاندىرۋ الىنىپ تاستالعان. سوعان قاراماستان ۇيىمداستىرۋشىلار بيلەتتەردٸ ساتۋدى ەلٸ توقتاتپاعان. بۇعان دەيٸن ەكٸ كونتسەرتكە 100 مىڭنان استام بيلەت ساتىلعانى حابارلانعان ەدٸ.
سوڭعى جىلدارى كانە ۋەستٸڭ كونتسەرتتەرٸ ونىڭ تٷرلٸ داۋلى مەلٸمدەمەلەرٸنە بايلانىستى بٸرنەشە ەلدە توقتاتىلعان. اتاپ ايتقاندا, مۋزىكانتقا ۇلىبريتانيياعا كٸرۋگە تىيىم سالىنىپ, پولشاداعى كونتسەرتٸ دە ٶتكٸزٸلمەگەن بولاتىن.
ەسكە سالساق, بيىل تامىز ايىندا كانە ۋەست الماتىدا ٶنەر كٶرسەتكەن ەدٸ.
