ەلوردا اكىمى التاي كولگىنوۆ اتا-اناسىنىڭ قامقورلىعىنسىز قالعان، تۇرعىن ءۇي كەزەگىندە تۇرعان بالالار ءۇيىنىڭ تۇلەكتەرىمەن كەزدەستى. اكىمنىڭ جەكە قابىلداۋىندا ءار ادام ءوزىن تولعاندىرعان ماسەلەسىن ايتتى.

تۇرعىن ءۇي ماسەلەلەرىن، قوسىمشا ءبىلىم مەن مەديسينالىق كومەك الۋ، جۇمىسقا ورنالاسۋ، بىلىكتىلىكتى ارتتىرۋ ماسەلەلەرى تالقىلاندى.

ەلوردا اكىمى التاي كولگىنوۆ جۇمىس ءار باعىت بويىنشا جۇرگىزىلىپ جاتقانىن اتاپ ءوتتى.

[quads id=1]

قالا اكىمى مەملەكەت باسشىسىنىڭ تاپسىرماسىنا سايكەس قولجەتىمدى تۇرعىن ءۇي قۇرىلىسىنىڭ كولەمى 3 ەسە ارتاتىنىن ايتتى.

كەزدەسۋدە قالا تۇرعىندارى اكىمگە الەۋمەتتىك شارالاردى قولداعانى ءۇشىن العىسىن ءبىلدىردى.

28 ناۋرىزدان باستاپ بارلىق كامەلەتتىك جاسقا تولماعاندار ءۇشىن جول ءجۇرۋ تەگىن بولادى. «ءبىزدىڭ وتباسىمىزدا بالالار بار. مەكتەپكە، ۇيىرمەلەرگە بارۋ قاجەت. شارا قاراجاتتى ۇنەمدەۋگە سەپتىگىن تيگىزەدى» دەدى كەزدەسۋشىلەر.

ەلوردا اكىمى جانە اكىمنىڭ ورىنباسارلارى، باسقارما باسشىلارى جانە اۋدان اكىمدەرى ازاماتتاردى تۇراقتى تۇردە قابىلدايدى.

قابىلداۋلار «جانۇيا» وتباسى ينستيتۋتىن قولداۋ ورتالىعىندا، «Nur Otan» پارتياسىنىڭ قالالىق فيليالىندا وتەدى. سۇراقتاردىڭ باسىم بولىگى شەشىلدى، قالعاندارى باقىلاۋعا الىندى.