اتالعان ءىس-شارانىڭ ماقساتى – بالالاردى وتباسىلىق-تۇرمىستىق جانە سەكسۋالدىق زورلىق-زومبىلىقتان قورعاۋ، قازىرگى زاماننىڭ شىندىعىنا سايكەس كامەلەتكە تولماعانداردىڭ قاۋىپسىزدىگى مەن قۇقىقتارىن قورعاۋدى قامتاماسىز ەتۋ تەتىكتەرىن جەتىلدىرۋ.
كونفەرەنسيا تاقىرىبىنىڭ وزەكتىلىگى ەلدىڭ بولاشاعى ءۇشىن ەلەۋلى قاتەر توندىرەتىن جانە جاستاردىڭ تولىققاندى دامۋى، ءاربىر تۇلعانىڭ قالىپتاسۋى ءۇشىن تەرىس سالدارلارعا اكەپ سوعاتىن بالالارعا قاتىستى قۇقىق بۇزۋشىلىقتاردىڭ وسۋىنە بايلانىستى كۇن تارتىبىنەن تۇسپەي تۇر.
كونفەرەنسيانى ق ر ىشكى ىستەر ءمينيسترى، پوليسيا گەنەرال-لەيتەنانتى ە.ز. تۇرعىمبايەۆ اشتى. ول ءوز سوزىندە كامەلەتكە تولماعاندارعا قاتىستى قۇقىق بۇزۋشىلىقتاردىڭ الدىن الۋعا بايلانىستى وزەكتى ماسەلەلەرگە، سونداي-اق ولاردى شەشۋ بويىنشا ءىىم قىزمەتىنىڭ نەگىزگى باعىتتارىنا نازار اۋداردى. ق ر پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى ءا.ءو. يسەكەشيەۆ كونفەرەنسيا قاتىسۋشىلارىنا ارناپ قۇتتىقتاۋ ءسوز سويلەدى.
ق ر پارلامەنتى سەناتىنىڭ دەپۋتاتى د.و. نۇرجىگىت، ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى د. ب. زاكييەۆا، ق ر بالا قۇقىقتارى جونىندەگى ۋاكىل ا. ساين، ق ر ادام قۇقىقتارى جونىندەگى ۋاكىل ە. ا. ءازىموۆا، ق ر بعم ۆيسە-مينيسترى ب. ا. اسىلوۆا، ق ر ءىىم اكىمشىلىك پوليسيا كوميتەتىنىڭ ءتوراعاسى م. ا. بايمۇقاشيەۆ، سونداي-اق باس پروكۋراتۋرانىڭ، قازاقستان زاڭگەرلەر وداعىنىڭ، يۋنيسەف، كامەلەتكە تولماعاندار ىستەرى جونىندەگى مامانداندىرىلعان سوتتىڭ، الماتى قالاسى اكىمدىگىنىڭ وكىلدەرى، ەلىمىزدىڭ جەتەكشى عالىمدارى جانە باسقا دا رەسەي ءىىم باسقارۋ اكادەمياسى جانە تۇركيا پوليسيا اكادەمياسى، رەسەي ءىىم شىعىس ءسىبىر ينستيتۋتىنىڭ بەلسەندى وكىلدەرى اسا قىزىعۋشىلىق تانىتىپ، قاتىستى. سونىمەن قاتار، عىلىمي ءىس-شاراعا قازاقستان رەسپۋبليكاسى ءىىم بارلىق اۋماقتىق پوليسيا جانە قىلمىستىق-اتقارۋ جۇيەسى دەپارتامەنتتەرىنىڭ باسشىلارى بولدى.
القالى جيىننىڭ مودەراتور تىزگىنىن "تالاپ" قولدانبالى زەرتتەۋلەر ورتالىعىنىڭ ديرەكتورى راحىم وشاقبايەۆ پەن ءىىم الماتى اكادەمياسىنىڭ باستىعى ايدار سايتبەكوۆ ۇستادى.
قاتىسۋشىلاردىڭ جوعارى مارتەبەسى كونفەرەنسيا تاقىرىبىنىڭ جانە ونىڭ شەڭبەرىندە قارالاتىن پروبلەمالاردىڭ وزەكتىلىگىن راستادى. سونىمەن، كونفەرەنسيا بارىسىندا ەڭ وزەكتى ماسەلەلەر تالقىلاندى:
كامەلەتكە تولماعاندارعا قاتىستى قۇقىق بۇزۋشىلىقتار ءۇشىن جاۋاپكەرشىلىكتى رەتتەيتىن زاڭنامانى جەتىلدىرۋ بويىنشا؛ بالالاردى قورعاۋداعى ۆەدومستۆوارالىق ءتاسىل؛ كامەلەتكە تولماعانداردى ەكسترەميستىك ۇيىمدارعا تارتۋعا قارسى ءىس-قيمىل؛ بالالارعا قاتىستى زورلىق-زومبىلىقتى جويۋ ستراتەگيالارى؛ ومىرلىك داعدارىستىق جاعدايعا تاپ بولعان كامەلەتكە تولماعاندارعا پسيحولوگيالىق كومەك كورسەتۋ ەرەكشەلىكتەرى تۋرالى جانە باسقا دا كوپتەگەن ماسەلەلەر قارالدى.
ءىس-شارانىڭ ناتيجەلەرى بويىنشا كونفەرەنسيانىڭ بارلىق قاتىسۋشىلارىمەن ماقۇلدانعان قارار دايىندالدى. مۇنداي كونفەرەنسيا قوعام ءۇشىن بالالاردىڭ قۇقىقتارى مەن قوعامدى بىرىكتىرۋدەگى، جاھاندىق، ايماقتىق جانە ۇلتتىق دەڭگەيدە قاۋىپسىزدىك پەن تۇراقتىلىقتى قامتاماسىز ەتۋدەگى ءرولى مەن ماڭىزدىلىعى جوعارى بولارى ءسوزسسىز.
عىلىمي ءىس-شارانىڭ تىكەلەي ەفيرى ZOOM جانە Instagram باعدارلامالارىنىڭ كومەگىمەن جۇزەگە اسىرىلدى.
