كامەلەتكە تولماعان جىگىت 20-دان اسا ادامدى الداپ كەتكەن، - دەپ حابارلايدى Dalanews.kz. 

جابىرلەنۋشىلەردىڭ اقشالارىن ترەيدينگتىك كومپانيالارعا ينۆەستيسيالايتىنىن ايتىپ، نەسيەنى ءوزى جابۋعا ۋادە بەرگەن.

سونىمەن قاتار، جابىرلەنۋشىلەردى قارىز سوماسىنىڭ 22%، سونداي-اق كەلگەن ءار جاڭا كليەنت ءۇشىن 10% تۇرىندەگى سىياقى ۇلەسىن الاتىندارىمەن الداعان.

وسىلايشا، كامەلەتكە تولماعان 20 جابىرلەنۋشىنىڭ 11 ملن تەڭگەدەن استام اقشالاي قاراجاتىن جىمقىرعان.

سوتتا مەملەكەتتىك ايىپتاۋشى سوتتالۋشىنىڭ كىناسىن دالەلدەپ، ونىڭ جابىرلەنۋشىلەر ءۇشىن تابىس تابۋ نيەتى بولماعانىن انىقتادى. بارلىق اقشالاي قاراجاتتى ءوز قاجەتتىلىكتەرىنە جۇمساعانى سوتتا دالەلدەندى.

سوت ۇكىمىمەن جابىرلەنۋشىلەرگە كەلتىرىلگەن زالال تولىقتاي ءوندىرىلىپ كىنالى تۇلعا سوتتالدى. جابىرلەنۋشىلەردىڭ ازاماتتىق تالاپتارى قاناعاتتاندىرىلدى.

ۇكىم زاڭدى كۇشىنە ەندى.

قالا پروكۋرورلارى تۇرعىندارعا تەز جانە ۇلكەن تابىس اكەلەتىن كۇماندى مامىلەلەردەن باس تارتۋدى ەسكەرتەدى، ويتكەنى بۇل الاياقتىق بەلگىسى بولۋى ىقتيمال.