رەسەي مەملەكەتتٸك دۋماسىنىڭ دەپۋتاتى سۆەتلانا جۋروۆا ميلاندا ٶتكەن وليمپيادا ويىندارىندا چەمپيون اتانعان قازاقستاندىق مەنەرلەپ سىرعاناۋشى ميحايل شايدوروۆتىڭ جەڭٸسٸنە قاتىستى پٸكٸر بٸلدٸردٸ, دەپ حابارلايدى Dalanews.kz.
ونىڭ ايتۋىنشا, شايدوروۆتىڭ جەڭٸسٸ 1994 جىلعى ليللەحاممەر وليمپياداسىن ەسكە تٷسٸرگەن. سول كەزدە التىن مەدالدٸ قازٸرگٸ تاڭدا ميحايلدىڭ جاتتىقتىرۋشىسى بولىپ وتىرعان الەكسەي ۋرمانوۆ جەڭٸپ العان ەدٸ.
«قازاقستان ٷشٸن قۋانىشتىمىن. شىنىمدى ايتسام, مۇنداي فينالدى 32 جىلدان بەرٸ كٶرگەن جوقپىن. ليللەحاممەردە باستى فاۆوريتتەر قاتەلەسٸپ جاتقاندا, الەكسەي ۋرمانوۆ مٸنسٸز ٶنەر كٶرسەتٸپ, چەمپيون اتانعان ەدٸ. قازٸر سول ۋرمانوۆ وليمپيادا چەمپيونى بولعان ميحايلدىڭ باپكەرٸ. بۇل – سيمۆوليكالىق سەت», – دەدٸ جۋروۆا.
سونىمەن قاتار دەپۋتات شايدوروۆتىڭ دايىندىق پروتسەسٸنە توقتالىپ, ونىڭ رەسەيدەگٸ جاتتىعۋلارى نەتيجەگە ەسەر ەتكەنٸن اتاپ ٶتتٸ.
«مەنٸڭ بٸلۋٸمشە, ول سوچيدە دايىندالدى. بٸزدٸڭ ەل وعان ٶز مەملەكەتٸنٸڭ نامىسىن قورعاپ, وليمپياداعا دايىندالۋىنا مٷمكٸندٸك بەردٸ. ونىڭ وسىنداي دەڭگەيدە جينالىپ, جوعارى نەتيجە كٶرسەتۋٸ – ٷلكەن جەتٸستٸك», – دەدٸ ول.
جۋروۆا جارىستىڭ باستى فاۆوريتٸ سانالعان امەريكالىق يليا مالينيننٸڭ سەتسٸز ٶنەر كٶرسەتۋٸنە دە توقتالدى. ونىڭ سٶزٸنشە, بٸرقاتار مىقتى سپورتشىلار ەركٸن باعدارلامادا قاتەلٸك جٸبەرگەن, ال شايدوروۆ بۇل مٷمكٸندٸكتٸ تيٸمدٸ پايدالانىپ, التىن جٷلدەنٸ يەلەنگەن.
