ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى جۇمىسسىزدار بويىنشا دەرەكتى جاريالادى، دەپ حابارلايدى Dalanews.kz.
ۆەدومستۆو مالىمەتىنشە، 2025 جىلعى 1 قازانداعى جاعداي بويىنشا مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى الەۋمەتتىك تولەم الۋشىلاردىڭ سانى 285،2 مىڭ ادامعا جەتكەن. بۇل رەتتە بيىل 240،5 مىڭ ادامعا تولەم العاش رەت تاعايىندالىپ وتىر.
تولەمدەردىڭ جالپى سوماسى 95 ملرد تەڭگە بولدى.
قولدانىستاعى زاڭناماعا سايكەس جۇمىسىنان ايىرىلعاندار مىندەتتى الەۋمەتتىك ساقتاندىرۋ جۇيەسىنەن قاتىسۋ وتىلىنە جانە كەيىنگى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەم الادى. تولەم جوعالعان كىرىستىڭ 45%-ىنا دەيىنگى مولشەردە ءماسق قاراجاتى ەسەبىنەن تولەنەدى.
