قارجى ساراپشىسى ارمان بەيسەمباەۆ جۇمىس بەرۋشٸلەردٸڭ “مٸنسٸز قىزمەتكەر” جٶنٸندەگٸ پٸكٸرٸن جارييا ەتتٸ. ول Atameken Business ارناسىنداعى “دنەۆنوي فورمات” باعدارلاماسىنىڭ تٸكەلەي ەفيرٸندە كەسٸپكەرلەر اراسىندا جٷرگٸزٸلگەن ساۋالناما قورىتىندىسىن بٶلٸستٸ, دەپ حابارلايدى Dalanews.kz.
ساراپشىنىڭ ايتۋىنشا, ساۋالناما بارىسىندا كەسٸپكەرلەردەن “جاقسى ەرٸ ىڭعايلى قىزمەتكەردٸڭ” پورترەتٸ قانداي ەكەنٸ سۇرالعان. نەتيجەسٸندە جۇمىس بەرۋشٸلەردٸڭ كٶزقاراسى بويىنشا ەڭ “قولايلى” قىزمەتكەر شامامەن 35–37 جاستاعى, اجىراسقان, ەكٸ بالاسى بار ەيەل بولىپ شىققان.
“ٶزدەرٸ ايتقانداي, مۇنداي ادام ٶتە ەڭبەكقور قىزمەتكەرلەردٸڭ بٸرٸ سانالادى. ٶيتكەنٸ مۇنداي جاعدايدا ادام قۇقىق تالاپ ەتٸپ, جۇمىس بەرۋشٸگە شارت قويۋدان گٶرٸ, ەڭ الدىمەن وتباسىن اسىراۋدى ويلايدى. بالالارىن باعۋ كەرەك, جالعىز ٶزٸ كٷن كٶرۋٸ قاجەت بولعاندىقتان, جۇمىسقا بارىنشا جاۋاپكەرشٸلٸكپەن قارايدى”, - دەدٸ ول.
ونىڭ ايتۋىنشا, ەڭبەك زاڭناماسىنداعى كەيبٸر شەكتەۋلەر ٸس جٷزٸندە وڭاي اينالىپ ٶتٸلۋٸ مٷمكٸن.
“مەسەلەن, جۇمىس بەرۋشٸ قىزمەتكەردەن "ٶز ەركٸمەن جۇمىستان شىعۋ" تۋرالى ٶتٸنٸش جازۋدى تالاپ ەتەتٸن جاعدايلار كەزدەسەدٸ, ال مۇنداي ەرەكەتتەردٸڭ الدىن الۋ قيىن”, - دەپ قوستى ول.
سونىمەن قاتار ساراپشى بيزنەسكە الاڭداۋعا نەگٸز جوق دەپ ەسەپتەيتٸنٸن جەتكٸزدٸ. ونىڭ ايتۋىنشا, بۇل مەسەلەدە “قورقىنىش كٶبٸنە شىندىقتان اسىرا باعالانادى”.
