«جۇلدىز» بولعان جاقسى عوي (بۇل ءسوزدى ۇناتپايمىن، سوندىقتان دا تىرناقشاعا الدىم). تانىمالدىلىعىمنىڭ ارقاسىندا جاقىندا مىسىردا تەگىن دەمالىپ كەلدىم. ال بۇگىن كوستيۋم، جەيدە، تۋفلي مەن ساعاتقا يە بولدىم. مەيرامحانا، سپا سالون مەن ءتۇرلى فيتنەسس-كلۋبتارقا سەرتيفيكاتتار ءجيى ۇسىنىلادى.
جاقىندا قىمبات تەلەفون سىيعا تارتتى. ءتىپتى، وڭتۇستىك كورەيادا مەديسينالىق تەكسەرىستەن وتۋگە بولاتىنىن ايتىپ جاتقاندار بار. الەۋمەتتىك جەلىدە جارناما جاساۋعا ءجيى ۇسىنىس تۇسەدى. كوشەدە كوپشىلىك تانيدى، قولدارىن بەرىپ، جىلى تىلەكتەرىن بىلدىرەدى، سۋرەتكە تۇسەدى.
قالادا كەز كەلگەن جەردەن وڭاي ءوتىپ كەتەمىن. قىسقاسى، تانىمالدىلىقتىڭ ارتىقشىلىقتارى كوپ. ءبىراق ەڭ باستى ارتىقشىلىعى – الەۋمەتتىك جەلى ارقىلى مەن قوعامداعى، ەلىمىزدەگى ماڭىزدى سۇراقتاردى كوتەرە الامىن. وسىعان شىنايى سەنەمىن. سوندىقتان دا كەي ارىپتەستەرىم: “نەگە ءار جەرگە باسىڭدى سۇعاسىڭ؟” – دەگەن كەزدە: “سىزدەر ارالاسپاعاندىقتان، مەن ارالاسامىن”، – دەيمىن. مەنى “جۇلدىز” قىلعان حالىق، سوندىقتان دا مەن ءاردايىم حالىقپەن بىرگە، ياعني حالىقتىڭ ىشىندە بولامىن. قىسقاسى مەنى تۇسىندىڭىزدەر عوي”، – دەپ جازدى نۇرتاس جەلىدەگى پاراقشاسىندا.
https://dalanews.kz/31492
