«Juldyz» bolǵan jaqsy ǵoi...
«Juldyz» bolǵan jaqsy ǵoi (bul sózdi unatpaimyn, sondyqtan da tyrnaqshaǵa aldym). Tanymaldylyǵymnyń arqasynda jaqynda Mysyrda tegin demalyp keldim. Al búgin kostiým, jeide, týfli men saǵatqa ie boldym. Meiramhana, SPA salon men túrli fitness-klýbtarqa sertifikattar jii usynylady.
Jaqynda qymbat telefon syiǵa tartty. Tipti, Ońtústik Koreiada meditsinalyq tekseristen ótýge bolatynyn aityp jatqandar bar. Áleýmettik jelide jarnama jasaýǵa jii usynys túsedi. Kóshede kópshilik tanidy, qoldaryn berip, jyly tilekterin bildiredi, sýretke túsedi.
Qalada kez kelgen jerden ońai ótip ketemin. Qysqasy, tanymaldylyqtyń artyqshylyqtary kóp. Biraq eń basty artyqshylyǵy – áleýmettik jeli arqyly men qoǵamdaǵy, elimizdegi mańyzdy suraqtardy kótere alamyn. Osyǵan shynaiy senemin. Sondyqtan da kei áriptesterim: “Nege ár jerge basyńdy suǵasyń?” – degen kezde: “Sizder aralaspaǵandyqtan, men aralasamyn”, – deimin. Meni “juldyz” qylǵan halyq, sondyqtan da men árdaiym halyqpen birge, iaǵni halyqtyń ishinde bolamyn. Qysqasy meni túsindińizder ǵoi”, – dep jazdy Nurtas jelidegi paraqshasynda.
https://dalanews.kz/31492
