– "ەلدىڭ وركەندەپ، كەمەلدەنگەنىن بىلگىڭ كەلسە، جولىنا قارا" دەگەن ءسوز بەكەر ايتىلماعان. بارىس-كەلىس پەن الىس-بەرىستە جول قاتىناستارى ايرىقشا مانگە يە. ەرتە كەزدەردە جەرىمىزدەگى ءىرى قالالاردىڭ كوبىسى ۇلى جىبەك جولىن جاعالاي قونىس تەپكەن. قازىرگى تاڭدا قايناعان تىرشىلىكتەر وسىنداي كۇرە جولداردىڭ بويىندا شوعىرلانعان. جولدار شىن مانىسىندە ءومىردىڭ وزەگى، باقۋاتتى تىرلىكتىڭ قاينار كوزى. سوندىقتان جول بويىنداعى ينفروقۇرىلىمدىق نىسانداردى حالىقارالىق تالاپقا ساي ەتىپ سالۋىمىز كەرەك. سوندا وڭىرىمىزگە تۋريستەر كوبەيەتىن بولادى، – دەدى ايماق باسشىسى جانسەيىت قانسەيىت ۇلى.
سونداي-اق اكىم، بىرنەشە مىڭ شاقىرىمدى ارتقا تاستاپ شىعاتىن جولاۋشىلار ءۇشىن ىڭعايلى بولۋ ماقساتىندا اتالعان جول بويىنا بەكەتتەر سالۋدى تاپسىردى. ياعني، «باتىس ەۋروپا – باتىس جۇڭگو» جولىندا بولاشاقتا جانارماي قۇياتىن بەكەتتەر مەن دۇكەندەر، اسحانالار، ءتىپتى شاعىن موتەلدەر دە بوي كوتەرەتىن بولادى.
ءبىرقاتار ۋچاسكەلەرىندە پايدا بولعان اقاۋلارعا بايلانىستى جولدىڭ ءبىر جاق بولىگى جابىلىپ، ەكىنشى جاعىندا جوندەۋ جۇمىستارى جۇرگىزىلۋدە. قۇرىلىس جۇمىستارى ءتيىستى دارەجەدە اتقارىلماۋ سالدارىنان قۇرىلىس-مونتاجداۋ جۇمىستارى بەلگىلەنگەن ۋاقىتتا اياقتالماي سوزىلىپ جاتاتىنىن سىنعا العان وبلىس اكىمى بۇل جاعداي، جول-كولىك وقيعالارىنىڭ ارتىپ، ادامداردىڭ مەزگىلسىز قازا بولۋىنا سەبەپ بولىپ جاتقاندىعىن جەتكىزدى. ءتيىستى سالا جەتەكشىلەرىنە مەردىگەر مەكەمەلەرمەن جۇمىستى كۇشەيتۋدى جۇكتەدى.
حالىقارالىق ماڭىزداعى جولداردىڭ ءبىرشاما بولىگىنىڭ ساپاسىز نە بولماسا جولاۋشىلار ءۇشىن ىڭعايسىز جاسالعانىنا توقتالعان ج.تۇيمەبايەۆ شەتەلدىك مەردىگەر مەكەمەلەردىڭ باسشىلارىنا جولدى رەتكە كەلتىرۋ جۇمىستارىن 1 قىركۇيەكتەن كەشىكتىرمەۋدى تاپسىردى.
ايتا كەتەيىك، حالىقارالىق كولىك ءدالىزى وڭتۇستىك وڭىرىندەگى بارلىق ەلدى
مەكەندەردىڭ 70 پايىزىن كەسىپ وتەدى. وبلىس بويىنشا رەسپۋبليكالىق ماڭىزى بار اۆتوجولداردىڭ جالپى ۇزىندىعى 837 شاقىرىمدى قۇرايدى، ونىڭ ىشىندە «باتىس ەۋروپا – باتىس جۇڭگو» ترانزيتتىك ءدالىزى قۇرىلىسى ءۇش باعىتتا 420 شاقىرىمدى الىپ جاتىر.
وقو اكىمىنىڭ باسپا ءسوز قىزمەتى
