سونداي-اق ەكٸم, بٸرنەشە مىڭ شاقىرىمدى ارتقا تاستاپ شىعاتىن جولاۋشىلار ٷشٸن ىڭعايلى بولۋ ماقساتىندا اتالعان جول بويىنا بەكەتتەر سالۋدى تاپسىردى. ياعني, «باتىس ەۋروپا – باتىس قىتاي» جولىندا بولاشاقتا جانارماي قۇياتىن بەكەتتەر مەن دٷكەندەر, اسحانالار, تٸپتٸ شاعىن موتەلدەر دە بوي كٶتەرەتٸن بولادى.
بٸرقاتار ۋچاسكەلەرٸندە پايدا بولعان اقاۋلارعا بايلانىستى جولدىڭ بٸر جاق بٶلٸگٸ جابىلىپ, ەكٸنشٸ جاعىندا جٶندەۋ جۇمىستارى جٷرگٸزٸلۋدە. قۇرىلىس جۇمىستارى تيٸستٸ دەرەجەدە اتقارىلماۋ سالدارىنان قۇرىلىس-مونتاجداۋ جۇمىستارى بەلگٸلەنگەن ۋاقىتتا اياقتالماي سوزىلىپ جاتاتىنىن سىنعا العان وبلىس ەكٸمٸ بۇل جاعداي, جول-كٶلٸك وقيعالارىنىڭ ارتىپ, ادامداردىڭ مەزگٸلسٸز قازا بولۋىنا سەبەپ بولىپ جاتقاندىعىن جەتكٸزدٸ. تيٸستٸ سالا جەتەكشٸلەرٸنە مەردٸگەر مەكەمەلەرمەن جۇمىستى كٷشەيتۋدٸ جٷكتەدٸ.
حالىقارالىق ماڭىزداعى جولداردىڭ بٸرشاما بٶلٸگٸنٸڭ ساپاسىز نە بولماسا جولاۋشىلار ٷشٸن ىڭعايسىز جاسالعانىنا توقتالعان ج.تٷيمەباەۆ شەتەلدٸك مەردٸگەر مەكەمەلەردٸڭ باسشىلارىنا جولدى رەتكە كەلتٸرۋ جۇمىستارىن 1 قىركٷيەكتەن كەشٸكتٸرمەۋدٸ تاپسىردى.
ايتا كەتەيٸك, حالىقارالىق كٶلٸك دەلٸزٸ وڭتٷستٸك ٶڭٸرٸندەگٸ بارلىق ەلدٸ
مەكەندەردٸڭ 70 پايىزىن كەسٸپ ٶتەدٸ. وبلىس بويىنشا رەسپۋبليكالىق ماڭىزى بار اۆتوجولداردىڭ جالپى ۇزىندىعى 837 شاقىرىمدى قۇرايدى, ونىڭ ٸشٸندە «باتىس ەۋروپا – باتىس قىتاي» ترانزيتتٸك دەلٸزٸ قۇرىلىسى ٷش باعىتتا 420 شاقىرىمدى الىپ جاتىر.
وقو ەكٸمٸنٸڭ باسپاسٶز قىزمەتٸ
