ج.تٷيمەباەۆ: «ورداباسىعا ٷش بيدٸڭ ەسكەرتكٸشٸن ورناتۋ قاجەت»
– ورداباسى – «اقتابان شۇبىرىندى, القاكٶل سۇلامادان» كەيٸن قازاق حالقى قايتا ەڭسەسٸن تٸكتەپ, «بٸر جەڭنەن قول, بٸر جاعادان باس شىعارىپ», جاۋعا قارسى اتتانعان جەرٸ. ورداباسىداعى بٸرلٸكتٶبە حVٸٸٸ عاسىردا ٷش بيدٸڭ باستاماسىمەن ٷش جٷزدٸڭ بەكتەرٸنٸڭ, يگٸ جاقسىلارىنىڭ, باتىرلارى مەن ساربازدارىنىڭ باسى قوسىلىپ, جوڭعار شاپقىنشىلارىنا قارسى كٷش بٸرٸكتٸرۋگە ٷندەگەن جەر. سونداي-اق, وسى قاسيەتتٸ جەردە كەلەر جىلى 28 مامىردا ەلباسى نۇرسۇلتان نازارباەۆتىڭ ورداباسى تاۋىنىڭ بيٸگٸندە بايانداما جاساعانىنا 25 جىل تولادى. بۇل تاريحي داتا. ول جەردە ستەللالار تۇر. مەنٸڭ ۇسىنىسىم, تٶبەنٸڭ باسىنا الاشتىڭ باسىن قوسقان ٷش بي – تٶلە, قازىبەك جەنە ەيتەكە بيلەردٸڭ ەسكەرتكٸشٸن ورناتساق, تامىرى تەرەڭ قازاق تاريحىنا جاسالعان قۇندى جەدٸگەرلەردٸڭ بٸرٸ بولار ەدٸ, – دەدٸ ەكٸم.
بٷگٸندە وسىناۋ ەسكەرتكٸشتٸڭ ارحيتەكتۋرالىق جۇمىستارى جاسالىنىپ جاتقانىن ايتقان ٶڭٸر باسشىسى ونىڭ بيٸكتٸگٸ 15-20 مەتر بولۋ قاجەت ەكەنٸن جەتكٸزدٸ. سونداي-اق, 1 مىڭ گەكتار اۋماقتى الىپ جاتقان قاستەرلٸ جەردٸڭ كٸرە بەرٸسٸنە جولدار مەن دەمالىس ورىندارى, دەمحانالار سالىناتىنىن اتاپ ٶتتٸ.
سونىمەن بٸرگە, ەكٸم ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان تاريحتا تٷرلٸ رٶل اتقارعان قاسيەتتٸ ورىنداردى قولعا الىپ, ونى دامىتۋ ارقىلى كەلەشەك ۇرپاقتىڭ بويىنا سٸڭٸرۋ جەنە سونىڭ اياسىندا وتاندىق تۋريزمدٸ دە دامىتۋ باعىتىنداعى بٸرقاتار جوبالارىمەن بٶلٸستٸ.
ايتا كەتەيٸك, 1993 جىلدىڭ 26, 27, 28 مامىر كٷندەرٸ ورداباسىنىڭ ۇشار بيٸگٸندەگٸ بٸرلٸكتٶبەدە (قازٸرگٸ تۋتٶبە) ٷش جٷزدٸڭ باسى قوسىلعان تٶلە, قازىبەك جەنە ەيتەكە بيلەردٸ - جاۋعا قارسى بٸرٸگٸپ, كەڭەس قۇرعان بابالارىمىزدى ەسكە الۋعا ارنالعان ۇلى باسقوسۋ ٶتكٸزٸلگەن-دٸ. 150 مىڭنان اسا ادام قاتىسقان بۇل جيىنعا باۋىرلاس ەلدەر - ٶزبەكستان مەن قىرعىزستان مەملەكەتتەرٸنٸڭ سول كەزدەگٸ باسشىلارى يسلام كاريموۆ پەن اسقار اقاەۆ مەرتەبەلٸ مەيمان رەتٸندە كەلگەن بولاتىن.
وقو ەكٸمٸنٸڭ باسپاسٶز قىزمەتٸ
