ق ر ۇلتتىق اكادەميالىق كىتاپحانادا وتكىزىلگەن كەزدەسۋدىڭ ماقساتى تاۋەلسىز ەلىمىزدىڭ بىرەگەي جەڭىسىنىڭ، حالىقارالىق ارەناداعى جەتىستىگىنىڭ ءبىرى، تورتكۇل دۇنيە كوز تىككەن دۇنيەجۇزىلىك باستى وقيعا – «ەكسپو-2017» حالىقارالىق مامانداندىرىلعان كورمەسىنە قولداۋ كورسەتۋ. وسىناۋ ايتۋلى ءدۇبىرلى مەرەكەگە وراي، وڭتۇستىكقازاقستاندىق قالامگەرلەر استانالىق وقىرمان قاۋىممەن ەلباسىنىڭ «بولاشاققا باعدار: رۋحاني جاڭعىرۋ» ماقالاسىن تالقىلاۋ، سىر-سۇحبات قۇرىپ، وي ءبولىسۋ بولىپ تابىلادى.
«رۋحاني جاڭعىرۋ – بولاشاقتىڭ كەپىلى» اتتى ءىس-شاراعا باس قالادان مەيمان رەتىندە بەلگىلى تۇلعالار ورازكۇل اسانعازى، عاريفوللا ەسىم، مىرزاگەلدى كەمەل، قالقامان سارين، گۇلعايشا ساعيدوللالار قاتىسسا، كۇنگەيلىك رۋحاني توپتىڭ باسى-قاسىندا ەركىنبەك تۇرىسوۆ، مارحابات بايعۇت، ءحانبيبى ەسەنقارا، اسەلحان قالىبەكوۆا، باقىتجان الديار، داۋرەن ايمانبەتوۆ جانە مۇقاعالي كەنجەتايۇلىلار قاتىستى. كەشتى اقىن قابىلبەك تورەتاي جۇرگىزىپ وتىردى.
جيىندا ءسوز باستاعان وبلىس باسشىسى جانسەيىت تۇيمەبايەۆ ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى جايلى ويىن ءبىلدىرىپ، بۇگىن تۇساۋى كەسىلىپ وتىرعان كىتاپتار كورمەسىندەگى ءاربىر شىعارماعا ەرەكشە توقتالىپ ءوتتى.
– ءبىز كەزىندە ەرىكتى، ەرىكسىز الىستاپ كەتكەن ءوز رۋحاني قۇندىلىقتارىمىزعا قايتا كەلە جاتقان جۇرتپىز. «رۋحاني جاڭعىرۋ» سونىڭ كورىنىسى. قازىرگى كەزدە رۋحاني جاڭعىرۋ اياسىندا ادەبيەت ماسەلەسىنە قاتىستى ورەلى ويلار ورتاعا سالىنىپ جاتىر. ءاربىر وبلىسقا قاتىسقان ادەبي ورتانىڭ شىعارماشىلىق الەۋەتىن كوتەرۋ ولارعا تىڭ سەرپىن بەرەدى. ايماقتا ءتۇرلى رەسپۋبليكالىق دەڭگەيدەگى مەرەكە، ايتۋلى كۇندەرگە وراي، سونداي-اق ولكەنى تانىتۋ ماقساتىندا دا ءتۇرلى كىتاپتار شىعارىلىپ تۇرادى. بۇگىن تۇساۋى كەسىلگەلى وتىرعان ەكى كىتاپ سوعان دالەل، – دەدى ول.
سونىمەن، «جاھان تانىعان جەتى تۇلعا» كىتابى جايلى تولىعىراق تارقاتساق. بۇل – بولەكشە ءبىتىمدى، مازمۇنى مەن ماڭىزى وزگەشە تۋىندى. شىنىندا دا جاھان جان-جاقتان تانىعان، كۇللى جەر ءجۇزى كەمەڭگەرلەر رەتىندە مويىنداعان، ادامزاتتىڭ، الەمدەگى مەرەيلى مەمكەتتەردىڭ تاعدىرى مەن تاريحىندا تەڭدەسسىز ءرول اتقارعان جانە اتقارىپ كەلە جاتقان جارقىن دا جاسامپاز تۇلعالار بەينەلەنگەن. جەتى الىپتا – ايرىقشا الىپتار. قايتالانباس قۇبىلىستار. ولار: نۇرسۇلتان نازاربايەۆ، دجوردج ۆاشينگتون، ماحاتما گاندي، ۋينستون چەرچيلل، مۋستافا كەمال اتاتۇرىك، شارل دە گولل جانە لي كۋان يۋ. كىتاپتا «عيبرات عۇمىر ۇزدىكتەرى» دەگەن تاقىرىپپەن تيتان تۇلعالاردىڭ ءارقايسىسىنا ءمانىسى تەرەڭ مىنەزدەمەلەر بەرىلگەن. ارينە، ولاردىڭ ورتاسىنان ويىپ تۇرىپ ورىن العان ۇلى دالا پەرزەنتى، ۇلت كوشباسشىسى نۇرسۇلتان ءابىش ۇلى نازاربايەۆتىڭ تاۋەلسىز قازاق ەلىن قالىپتاستىرۋداعى قيىن دا، كۇردەلى كەزەڭدەردەن جول تاۋىپ شىققاندىعى باياندالادى. اۆتورى اباي ەسكەندىروۆ 656 بەتتەن تۇراتىن بۇل كىتاپتى 4 جىلدا جازىپ شىققان.
ال «تۇلعا. تاۋەلسىزدىك. تاريح» - «ليچنوست. نەزاۆيسيموست. يستوريا» كىتابى ءۇش بولىمنەن تۇرادى. اتالعان تۋىندىداعى «ورداباسىعا ورالۋ» دەگەن العاشقى بولىمدە ەلباسىنىڭ قاسيەتتى مەكەنگە تابان تىرەگەنى تۋراسىندا تولعاناتىن تۇستار جان-جاقتى قامتىلعان. كىتاپتىڭ ەكىنشى بولىمىندە ەلباسىمىزدىڭ شەتەل باسشىلارىمەن وڭتۇستىكتە گى كەزدەسۋلەرى ءساتتى سۋرەتتەرىمەن اڭگىمەگە ارقاۋ بولعان. ال ءۇشىنشى بولىمدە مەملەكەت باسشىسىنىڭ وبلىسىمىزعا 1991 جىلدان باستالعان ساپارلارى جان-جاقتى باياندالادى. باسىلىمعا تاياۋداعى وڭتۇستىك وڭىرىنە جاساعان ساۋىردەگى ساپارى دا ەنگىزىلىپ وتىر. كىتاپ ەكى تىلدە شىققان. ەكى كىتاپ تا «قازىعۇرت» باسپاسىنان باسىلعان.
وقو اكىمىنىڭ باسپا ءسوز قىزمەتى
