«جينالىس كەزىندە ەلدىڭ ىشكى ىستەر ءمينيسترىنىڭ ورىنباسارى ماسكا تاقپاعانداردى، ولاردىڭ ىشىندە ايەلدەر نە قاريالار بولسىن، ەشكىمدى اياماي، ايىپپۇل سالۋعا تاپسىرما بەردى. تىپتەن ولار نان تابۋعا اقشام جوق دەپ جالىنسا دا، ايىپپۇل تولەتكىزۋ كەرەك دەپ تاپسىرما بەردى» دەيدى ءاتى-جونىن جاسىرعان ءىىم شەنەۋنىگى.
تاپسىرمانى ورىنداماعان پوليسيا قىزمەتكەرلەرىنىڭ وزىنە ايىپپۇل سالىنسىن دەپ جينالىس كەزىندە قاتاڭ ەسكەرتۋ جاسالدى دەيدى شەنەۋنىك.
جەرگىلىكتى تۇرعىندار دا كوشەدە پوليسيا قاراسىنىڭ كوبەيگەنىن ايتادى.
«ەگەر كولىكتە ءبىر ادام ماسكاسىز وتىرسا، جۇرگىزۋشىنىڭ كۋالىگىن تارتىپ الىپ جاتىر. ءبىرىنشى رەت ولاردى ەسكەرتۋمەن بوساتادى، ەكىنشى رەت ۇستالسا، 50 مانات ($14) ايىپپۇل تولەيدى. ەگەر تاعى ماسكاسىز جولاۋشى تاسىسا، 250 مانات ($71،5) ايىپپۇل سالىنادى» دەيدى ءتىلشى.
تۇركىمەنستان بيلىگى كوروناۆيرۋسپەن كۇرەس شارالارىن كۇشەيتكەنىمەن، ەلىندە بىردە ءبىر ۆيرۋس جۇقتىرعاندار انىقتالمادى دەپ كەلەدى.
ءبىراق بيرەسمي مالىمەتتەر بويىنشا، اۋرۋحانالار ناۋقاسقا تولىپ قالعان.
