Jolaýshy kólikke maskasyz minse, júrgizýshi kýáliginen aiyrylady
«Jinalys kezinde eldiń ishki ister ministriniń orynbasary maska taqpaǵandardy, olardyń ishinde áielder ne qariialar bolsyn, eshkimdi aiamai, aiyppul salýǵa tapsyrma berdi. Tipten olar nan tabýǵa aqsham joq dep jalynsa da, aiyppul tóletkizý kerek dep tapsyrma berdi» deidi aty-jónin jasyrǵan IIM sheneýnigi.
Tapsyrmany oryndamaǵan politsiia qyzmetkerleriniń ózine aiyppul salynsyn dep jinalys kezinde qatań eskertý jasaldy deidi sheneýnik.
Jergilikti turǵyndar da kóshede politsiia qarasynyń kóbeigenin aitady.
«Eger kólikte bir adam maskasyz otyrsa, júrgizýshiniń kýáligin tartyp alyp jatyr. Birinshi ret olardy eskertýmen bosatady, ekinshi ret ustalsa, 50 manat ($14) aiyppul tóleidi. Eger taǵy maskasyz jolaýshy tasysa, 250 manat ($71,5) aiyppul salynady» deidi tilshi.
Túrkimenstan biligi koronavirýspen kúres sharalaryn kúsheitkenimen, elinde birde bir virýs juqtyrǵandar anyqtalmady dep keledi.
Biraq biresmi málimetter boiynsha, aýrýhanalar naýqasqa tolyp qalǵan.
