ەنشٸ مەدينا ەراليەۆانىڭ ۇلى ارسەن ەرالى اناسى تۋرالى ەستەلٸكتەرٸن ايتىپ, ەنشٸنٸڭ بولات نازارباەۆپەن قارىم-قاتىناسى تۋرالى ايتتى,- دەپ حابارلايدى Dalanews.kz.
"ول كەز ٶتە اۋىر سەت بولدى. قازٸر ەسٸمە الار بولسام, انامىز قايتىس بولعانى تۋرالى اقپاراتتى ناعيما ەسقاليەۆا اپامىز ەستٸرتتٸ. كەشكٸ ۋاقىتتا ٷيدٸڭ تەلەفونىنا قوڭىراۋ شالدى. ورىسشا سٶيلەيدٸ عوي, "ارسەنچيك, ەتو ناعيما اپا, منە نادو ۆسترەتيتسيا س توبوي, يا سەيچاس ەدۋ ك تەبە دوموي" دەدٸ. مەن تاڭعالدىم, ٶمٸرٸ حابارلاسپايتىن, بٸرتٷرلٸ بولىپ قالدىم. دالاعا شىقتىم, ٷيگە كەلٸپ ەستٸرتتٸ. مەن سەنبەدٸم. انامنىڭ قايتىس بولعانىن ويلاپ ەلٸ كٷنگە جىلاماعانمىن, ەلٸ كٷنگە دەيٸن كٷتٸپ جٷرگەندەي سەزٸم بار. ماعان ەستٸرتكەندە سەنبەدٸم.
قايتىس بولعان كەزدە جانىندا, كٶلٸكتٸڭ ٸشٸندە بولات نازارباەۆ بولعان. سول كٸسٸ ماعان حابارلاستى. ول كٸسٸ ول كەزدە بايقوڭىردىڭ مەيٸتحاناسىندا بولعان. "ارسەن, بۇل راس, اناڭ قايتىس بولدى» دەدٸ.
مەن ول كەزدە 19 جاستاعى بالامىن. ارتىنان انامنىڭ سٸڭلٸسٸ كەلدٸ, ٷيدە ادامدار قاپتاپ كەتتٸ. مەڭ-زەڭ بولىپ, نە ٸستەپ, نە قويعانىمىزدى بٸلمەيمٸن", - دەيدٸ ارسەن ەرالى Stan.kz-كە بەرگەن سۇحباتىندا.
سونىمەن قاتار, ٶنەر يەسٸنٸڭ ۇلى مادينا ەراليەۆا مەن بولات نازارباەۆتىڭ قارىم-قاتىناسى تۋرالى ايتتى.
«يە, ولار ەرلٸ-زايىپتى بولدى. 1996 جىلدان باستاپ زاڭدى تٷردە ەرلٸ-زايىپتى بولدى. ەرينە, ول كەزدە 15 جاسار بالامىن, قىزعانىش بولدى. بٸراق ول كٸسٸ (بولات نازارباەۆ) قاراپايىم, جاقسى كٸسٸ بولعان. ول انامنىڭ ٶز تاڭداۋى عوي. مەن وعان قارسىلىق بٸلدٸرمەدٸم», - دەيدٸ ارسەن ەرالى.
ايتا كەتەيٸك, ەرەكشە داۋىس يەسٸ مەدينا ەراليەۆا 1974 جىلى قىزىلوردا پەداگوگيكالىق ۋچيليششەسٸنٸڭ مۋزىكا فاكۋلتەتٸن, تٶرت جىلدان كەيٸن قازاق قىزدار پەداگوگيكالىق ينستيتۋتىنىڭ مۋزىكا فاكۋلتەتٸن بٸتٸرگەن. مەدينا ەراليەۆا اجال قۇشقانعا دەيٸن الماتى وبلىستىق فيلارمونيياسىندا جۇمىس ٸستەگەن. ەراليەۆا 2000 جىلى ارال-تاشكەنت تاسجولىنىڭ بويىندا قىزىلوردا وبلىسىنداعى مايلىباس ايرىعى تۇسىندا جول اپاتىنان قايتىس بولدى.
