Ánshi Mádina Eralievanyń uly Arsen Eraly anasy týraly estelikterin aityp, ánshiniń Bolat Nazarbaevpen qarym-qatynasy týraly aitty,- dep habarlaidy Dalanews.kz.
"Ol kez óte aýyr sát boldy. Qazir esime alar bolsam, anamyz qaitys bolǵany týraly aqparatty Naǵima Esqalieva apamyz estirtti. Keshki ýaqytta úidiń telefonyna qońyraý shaldy. Oryssha sóileidi ǵoi, "Arsenchik, eto Naǵima apa, mne nado vstretitsia s toboi, ia seichas edý k tebe domoi" dedi. Men tańǵaldym, ómiri habarlaspaityn, birtúrli bolyp qaldym. Dalaǵa shyqtym, úige kelip estirtti. Men senbedim. Anamnyń qaitys bolǵanyn oilap áli kúnge jylamaǵanmyn, áli kúnge deiin kútip júrgendei sezim bar. Maǵan estirtkende senbedim.
Qaitys bolǵan kezde janynda, kóliktiń ishinde Bolat Nazarbaev bolǵan. Sol kisi maǵan habarlasty. Ol kisi ol kezde Baiqońyrdyń máiithanasynda bolǵan. "Arsen, bul ras, anań qaitys boldy» dedi.
Men ol kezde 19 jastaǵy balamyn. Artynan anamnyń sińlisi keldi, úide adamdar qaptap ketti. Meń-zeń bolyp, ne istep, ne qoiǵanymyzdy bilmeimin", - deidi Arsen Eraly Stan.kz-ke bergen suhbatynda.
Sonymen qatar, óner iesiniń uly Madina Eralieva men Bolat Nazarbaevtyń qarym-qatynasy týraly aitty.
«Iá, olar erli-zaiypty boldy. 1996 jyldan bastap zańdy túrde erli-zaiypty boldy. Árine, ol kezde 15 jasar balamyn, qyzǵanysh boldy. Biraq ol kisi (Bolat Nazarbaev) qarapaiym, jaqsy kisi bolǵan. Ol anamnyń óz tańdaýy ǵoi. Men oǵan qarsylyq bildirmedim», - deidi Arsen Eraly.
Aita keteiik, erekshe daýys iesi Mádina Eralieva 1974 jyly Qyzylorda pedagogikalyq ýchilishesiniń mýzyka fakýltetin, tórt jyldan keiin Qazaq qyzdar pedagogikalyq institýtynyń mýzyka fakýltetin bitirgen. Mádina Eralieva ajal qushqanǵa deiin Almaty oblystyq filarmoniiasynda jumys istegen. Eralieva 2000 jyly Aral-Tashkent tasjolynyń boiynda Qyzylorda oblysyndaǵy Mailybas airyǵy tusynda jol apatynan qaitys boldy.
