الاياقتىق جاساعان استانا تۇرعىنىنا قاتىستى ۇكىم شىعارىلدى، - دەپ حابارلايدى Dalanews.kz.

استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ەلوردا تۇرعىنى ابدىكارىموۆكە قاتىستى ۇكىم شىعاردى.

ول سولتۇستىك قازاقستان وبلىسىندا جەر قويناۋىن پايدالانۋعا كەلىسىمشارت جاساسقانى ءۇشىن مەملەكەتتىك ورگانداردىڭ جوعارى لاۋازىمدى تۇلعالارىنا بەرەمىن دەپ 250 مىڭ اقش دوللارى سوماسىندا الاياقتىق جاساعانى جانە پارا بەرۋگە يتەرمەلەگەنى ءۇشىن كىنالى دەپ تانىلدى.

سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويىنا ايىرا وتىرىپ، 12 جىل باس بوستاندىعىنان ايىرۋ جازاسى تاعايىندالدى.

سوت ۇكىمى زاڭدى كۇشىنە ەنگەن جوق.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.