جىل باسىندا قازاقستاندا اسا تانىمال Hyundai Accent اۆتوكٶلٸگٸ 7,5 ملن تەڭگەدەن 8,2 ملن تەڭگەگە, ياعني 9,3%-عا كٶتەرٸلگەن. ال Hyundai Tucson كٶلٸگٸ 7%-عا جوعارلاعان. سول سيياقتى جاڭا Hyundai Elantra اۆتوكٶلٸگٸنٸڭ تولىق كومپلەكتاتسييالى نۇسقالارى 13,5 ملن تەڭگەگە دەيٸن قىمباتتاپتى. قازاقستاندا جاقسى ساتىلاتىن Hyundai Sonata كٶلٸكتەرٸ 1,4 ملن تەڭگەگە باعاسى كٶتەرٸپ العانى بەلگٸلٸ بولدى.
قالىڭ قازاق نەسيەگە الىپ, تاكسيشىلىقپەن اينالىسۋعا پايدالاناتىن Chevrolet ماركاسىنىڭ Cobalt جەنە Nexia مودەلدەرٸ دە 1 ملن مەن 900 مىڭ تەڭگە ارالعىندا قىمباتتاعان. ايتالىق, سۋ جاڭا Cobalt-گە 6,5 مەن تەڭگە سۇراسا, قازٸر ونىڭ باعاسى 7 ملن تەڭگەدەن اسىپ كەتتٸ. Nexia اۆتوكٶلٸكتەرٸنٸڭ 6,2 ملن تەڭگەدەن 6,7 ملن تەڭگەگە دەيٸن قىمباتتاعان.
سول سيياقتى Kia ماركاسىمەن شىعاتىن اۆتوكٶلٸكتەردٸڭ بارلىق مودەلدەرٸنٸڭ باعاسى كٶتەرٸلگەن. ەلٸمٸزدە تانىمال Rio سەداندار 10,2 ملن تەڭگەگە دەيٸن قىمباتتاسا, Kia Sorento كروسسوۆەرٸ 22,6 ملن تەڭگەگە دەيٸن جوعارلاپتى.
رەسەيدٸڭ «اۆتوۆاز» كومپانيياسىنىڭ قوستانايداعى زاۋىتىنان شىعاتىن كٶلٸكتەردٸڭ دە باعاسى كٶتەرٸلگەن. جىل باسىندا سۋ جاڭا Lada Granta اۆتوكٶلٸگٸن 3,7 ملن تەڭگەگە الىپ كەلسەك, ەندٸ ول ٷشٸن 4,7 ملن تەڭگە تٶلەۋگە تۋرا كەلەدٸ.
جاپوندىق سۋ جاڭا Toyota اۆتوكٶلٸكتەرٸنٸڭ باعاسى تٸپتٸ اسپانداپ كەتكەن. مەسەلەن, Toyota Land Cruiser, GR Sport ي LC Prado جول تالعامايتىن كٶلٸكتەردٸڭ باعاسى 13,4%-20,8%-عا دەيٸن كٶتەرٸلٸپ, 6,8-7,5 ملن تەڭگەگە قىمباتتاعان.
ەر قازاقتىڭ ارمانىنا اينالعان Toyota Camry اۆتوكٶلٸگٸنٸڭ 2 ليتەرلٸك ستاندارت كومپلەكتاتسيياسىنىڭ باعاسى 17,1 ملن تەڭگەدەن ساتىلۋدا. ونىڭ باعاسى 17.9%-عا جوعارلاعان.
كٷنٸ كەشە عانا ٷكٸمەت ەل ازاماتتارىنىڭ اۆتوكٶلٸك الۋ ٷشٸن 4%-بەن جەڭٸلدەتلٸگەن اۆتوكرەديت بەرەتٸنٸن جارييا ەتتٸ. ٶز كەزەگٸندە بۇل دا اۆتوكٶلٸكتٸڭ تاعى قىمباتتاۋىنا ەكەپ سوعۋى مٷمكٸن.
